დღეს დაახლოებით 04:30 წუთზე რუსმა აგრესორებმა თბილისში, მახათას მთაზე სარადარო ანძა და კოჯორში განლაგებული სამხედრო ბაზა დაბომბეს.

აღსანიშნავია, რომ რუსი აგრესორების მიერ თბილისზე განხორციელებული იერიშისას საქართველოს დედაქალაქში იმყოფებოდნენ ეუთოს თავმჯდომარე და ფინეთის საგარეო საქმეთა მინისტრი ალექსანდრ სტუბი და საფრანგეთის საგარეო საქმეთა მინისტრი ბერნარ კუშნერი.

ასევე, რუსებმა დღეს დაახლოებით 04:30 დედოფლისწყაროს აეროდრომი დაბომბეს, 05:00 საათზე ლილოს ბაზა, 06:00 საათზე კი, გორის სატანკო ნაწილი. დაბომბვას მნიშვნელოვანი ნგრევა არ მოჰყოლია.

ასევე, 07:45 წუთზე რუსულმა ავიაციამ სენაკის სამხედრო ბაზა და განმუხურის პატრიოტთა ბანაკი დაბომბეს. დაბომბვას მსხვერპლი არ მოჰყოლია.