- ”მილიციის მუშაკების მიერ ევლოევის დაკითხვის პროცესის დროს მომხდარი ინციდენტის შედეგად, დაკავებულმა თავის არეში მიიღო ჭრილობა, ხოლო მოგვიანებით საავადმყოფოში გარდაიცვალა”, - ავრცელებს ”ინტერფაქსი” რუსეთის პროკურატურის წამორმადგენლის, ვლადიმირ მარკინის სიტყვებზე დაყრდნობით.

როგორც ინგუშეთის რესპუბლიკური საავადმყოფოდან წყარომ ”РИА Новости”-ის აუწყა, ევლოევმა გამჭოლი ჭრილობა მიიღო და ექიმებმა ის შეაფასეს, როგორც სიცოცხლესთვის საშიში.

- ”ევლოევის სიკვდილთან დაკავშირებით წინასაგამოძიებო შემოწმებები მიმდინარეობს. შედეგებიდან გამომდინარე მოხდება გადაწყვეტილების მიღება საქმის აღძვრასთან დაკავშირებით”, - აღნიშნავს მარკინი.

როგორც ინგუშეთის შინაგან საქმეთა სამინისტროში ამბობენ, ევლოევი ”მაგასის” აეროპორტში დააკავეს, როცა მოსკოვიდან ჩამოფრინდა.

ამტკიცებენ, რომ ევლოევი სამართალდამცავი ორგანოს ერთ-ერთი თანამშრომლისთვის იარაღის წართმევას შეეცადა და წინააღმდეგობის გაწევის მომენტში მიიღო მძიმე ჭრილობა თავის არეში.

დახურული პორტალი Ingushetiya.ru
მოსკოვის სახელმწიფო სასამართლომ აგვისტოს შუა რიცხვებში მიიღო გადაწყვეტილება Ingushetiya.ru-ს დახურვასთან დაკავშირებით.

ინგუშეთის პროკურატურის თანახმად, საიტის დახურვის მიზეზად ბიზნესმენთან და ოპოზიციის ლიდერთან, მუსი კელიგოვთან, გამოქვეყნებული ინტერვიუ იქცა, რომელიც, როგორც ხელისუფლება თვლის, რესპუბლიკის პრეზიდენტის მურატ ზიაზიკოვის მკვეთრ კრიტიკას შე ... წაიკითხეთ სრულად »

დაიწყება თუ არა რეალურად რუსეთის იზოლაციის პროცესი, რომლისთვისაც მზადყოფნას საერთაშორისო თანამეგობრობა ერთხმად გამოთქვამს, ჯერჯერობით უცნობია.

ცნობილია მხოლოდ ის, რომ 1-ლი სექტემბრის სამიტამდე ევროკავშირის ლიდერი სახელმწიფოები რუსეთის წინააღმდეგ სანქციების დაწესების შესაძლებლობას განიხილავენ. მათივე თქმით, ევროკავშირის სამიტზე რუსეთის მიერ აფხაზეთისა და სამხრეთ ოსეთის ავტონომიური ერთეულების დამოუკიდებლობის აღიარების შესახებ საკითხი განიხილება.

აღნიშნულ სამიტს საქართველოს მხრიდან პრემიერ-მინისტრი ვლადიმერ გურგენიძე დაესწრება, რომელიც ბრიუსელში, სავარაუდოდ, 31 აგვისტოს გაემგზავრება. პრეზიდენტი სააკაშვილი სამიტზე გამგზავრებას ვერ შეძლებს, რადგან არსებობს საშიშროება, რომ რუსულმა მხარემ საჰაერო სივრცე შეგნებულად ჩაკეტოს და მას სამშობლოში დაბრუნების შესაძლებლობა აღარ მისცეს.

- “რუსეთის ხელისუფლებას არაფერი სმენია ევროკავშირის მხრიდან სანქციების შემოღების შესაძლებლობის თაობაზე, პირველად მესმის სანქციებზე”, - ერთგვარი ირონიით განაცხადა რუსეთის საგარეო საქმეთა მინისტრმა სერეი ლავროვმა და თავისი ფრანგი კოლეგა ბერნარ კუშნერი ავადმყოფურ აზროვნებაში დაადანაშაულა.

- “სანქციების გარდა, ის კიდევ საუბრობდა იმაზე, რომ რუსეთი უკრაინას, მოლდოვასა და ყირიმს დაესხმება თავს. ეს ავადმყოფური აზროვნებაა”, - განაცხადა რუსეთის პირველმა დიპლომატმა. მისი აზრით, ეს განცხადებები დაბნეულობის გამომხატველია, რაც იმით ... წაიკითხეთ სრულად »

მეზობელ ქვეყანასთან საომარ ვითარებაში ყოფნისას დიდი მნიშვნელობა აქვს საიფორმაციო პოლიტიკას. სამწუხაროდ საქართველოს ხელისუფლებამ დიდი ხანია ქართულ მედიას კომპეტენტური ინფორმაციის მოპოვების ფუნქცია შეუზღუდა, რუსული მედია კი აქტიურად თესავს ანტიქართულ ისტერიას და საკუთარ მოსახლეობას და მსოფლიოს არწმუნებს ქართველების აგრესიულ ბუნებაში.

ამ დღეებში კი გავრცელდა ინფორმაცია, რომ საფრამგეთის პრეზიდენტის გადაწყვეტილებით პრეზიდენტი სააკაშვილი 1 სექტემბრისათვის დაგეგმილ ევროსამიტს არ დაესწრება.

ამასთან დაკავშირებით “პრესა.გე” ესაუბრა ბრიუსელში მოღვაწე ქართველ ჟურნალისტს გიორგი ფოფხაძეს, რომელმაც დაგვიდასტურა რომ რუსული მედიით გავრცელებულ ინფორმაცია სინამდვილეს არ შეესაბამება:

- ”ეს რუსების ანტიქართული პროპაგანდის შემადგენალი ნაწილია. არც პრეზიდენტ სარკოზის და არც ბერნარ კუშნერს მსგავსი არაფერი უთქვავთ. პრეზიდენტი სააკაშვილი არ მიდის სამიტზე ერთი მარტივი მიზეზის გამო: ეშინია რომ, რუსები საქართველოში აღარ ჩამოუშვებენ. მან ამის შესახებ გერმანულ გაზეთ “ბილდ ცაიტუნგს” განუცხადა. მიმაჩნია რომ, რუსებმა შესაძლოა მართლა მოაწყონ პროვოკაცია. 1 სექტემბრის ევროსამიტზე საქართველოს პრემიერი ვლადიმერ გურგენიძე და საგარეო საქმეთა მინისტრი ეკა ტყეშელაშვილი წარმოადგენენ”.

ქართული მ ... წაიკითხეთ სრულად »

გერმანიის ქალაქ ჰამბურგში ქართული დიასპორის წარმომადგენლები დღეს ქალაქის ქუჩებში ველოსიპედებით საპროტესტო სვლას მოაწყობენ. ქართული დიასპორის მიერ ორგანიზებულ აქციას რუსი ეროვნების მოქალაქეებიც შეუერთდებიან. აქცია ლოზუნგით "შეწყდეს საქართველოს ოკუპაცია რუსი აგრესორების მიერ" რუსეთის საელჩოს შენობის მიმდებარე ტერიტორიაზე დასრულდება.

„ქრონიკა“ „იმედის“ ეთერში 2007 წლის 26 დეკემბრიდან აღარ გადის. ამ დღეს, ტელეკომპანიის ეთერი საერთოდ გაითიშა.

„იმედის“ მაუწყებლობა ნაწილობრივ, მხოლოდ 5 მაისს აღდგა. დღემდე, არხი მხოლოდ გასართობ პროგრამებს გადასცემს: მხატვრული ფილმებს, სერიალებს, მუსიკას.

„ტელეიმედის“ მაუწყებლობა პირველად 2007 წლის 7 ნოემბერს შეწყდა, როცა თბილისში პოლიტიკური ვითარება უკიდურესად გამწვავდა. ამ დღეს პოლიციის სპეცრაზმი ტელეკომპანიაში შეიჭრა და იქაურობა დაარბია.

რუსეთმა კონტინენტთაშორისი ბალისტიკური რაკეტა "Тополь" (РС-12М) გამოსცადა, რომელიც რაკეტსაწინააღმდეგო თავდაცვის სისტემების გადალახვის სპეციალური საშულებებითაა აღჭურვილი. 

რუსეთის სამხედრო ხელმძღვანელობის განმარტებით, “რაკეტა 21 წლის განმავლობაში საბრძოლო მორიგეობის რეჟიმში იმყოფებოდა და განხორციელებული გაშვების მთავარ ამოცანას  მისი ძირითადი ტექნიკურ-საფრენი მახასიათებლების სტაბილურობის დადასტურება და არასახმელეთო ბაზირების ბალისტიკური რაკეტებისთვის პერსპქტიული საბრძოლო აღჭურვის დამუშავება წარმოადგენდა”.  

რაკეტა პლესეცკის კოსმოდრომიდან სტრატეგიული დანიშნულებისა და კოსმიური ჯარების სარაკეტო ქვედანაყოფების გათვლით იქნა გაშვებული.