წუხელ რუსულმა ავიაციამ  გორის რაიონის სოფელი თორტიზაში ჭურვები ჩამოყარა. წინასწარი ინფორმაციით, არის მსხვერპლიც. 

რუსული ავიაციის იერიშის შედეგად დაზიანებულია  გორის სატელევიზიო ანძაც.
წუხელ რუსულმა ავიაციამ  გორის რაიონის სოფელი თორტიზაში ჭურვები ჩამოყარა. წინასწარი ინფორმაციით, არის მსხვერპლიც. 

რუსული ავიაციის იერიშის შედეგად დაზიანებულია  გორის სატელევიზიო ანძაც.

ქვეყანაში მიმდინარე საბრძოლო მოქმედებების მიუხედავად მსოფლიო ბანკი საქართველოს მთავრობასთან თანამშრომლობას აგრძელებს და მომდევნო 12 თვის განმავლობაში 300–350 მილიონი დოლარის მოცულობის კრედიტის გამოყოფას ჰპირდება.

პრემიერ-მინისტრმა გურგენიძემ დღეს გამართულ მთავრობის სხდომაზე განაცხადა, რომ ბოლო წლების განმავლობაში მსოფლიო ბანკის მიერ საქართველოსათვის გამოყოფილმა კრედიტმა ერთ მილიარდ დოლარს გადააჭარბა. ახალი კრედიტი მოხმარდება გზების მშენებლობასა და მუნიციპალური სამუშაოების გაგრძელებას.

პრემიერ-მინისტრის ინფორმაციით, საქართველოს მთავრობასთან თანამშრომლობის გაგრძელების სურვილი გამოთქვა ევრობის განვითარებისა და რეკონსტრუქციის ბანკამც, რომელმაც ”მნიშვნელოვანი როლი შეასრულა ინფრასტრუქტურის პოროექტების დაფინანსებაში”. კერძოდ, დააფინანსა რკინიგზის, საზღვაო პორტების, აეროპორტისა და საქალაქო ტრანსპორტის განვითარებაში.

- “მუნიციპალურ სფეროში გასაკეთებელი ბევრი იყო, ხოლო რუსეთთან საომარი მდგომარეობის გამო გასაკეთებელი ახლა კიდევ უფრო მეტია. საქართველო დღესაც ასრულებს და მომავალშიც შეასრულებს კავკასიის რეგიონში სატრანზიტო ფუნქციას”, - აცხადებს ვლადიმერ გურგენიძე.

რუსეთის სამხედრო დაბომბვების შემდეგ დღეს ფოთის პორტი ჩვეულ რეჟიმში მუშაობს და როგორც ეკონომიკური განვითარების დარგში სახელმწიფო მინისტრი ეკატერინე შარაშენიძე ირწმუნება, ფოთის პორტში დღეს 15 გემი შემოვიდა. ამათგან ორი სრულად გადმოიტვირთა.

მისივე ინფორმაციით, ოპერირებს ბათუმის პორტი და ყულევის ნავსადგურიც, ჩვეულ რეჟიმში მუშაობს როგორც სამგზავრო, ასევე სატვირთო სარკინიგზო მიმოსვლა.

თბილისის საერთაშორისო აეროპ ... წაიკითხეთ სრულად »

გორში მომხდარი თავდასხმისას ჟურნალისტები დაიჭრნენ. გოკა გაბაშვილის განცხადებით ეს ინფორმაცია საბერძნეთის დესპანმა აცნობა. შემთხვევისას დაიღუპა ჰოლანდიელი ჟურნალისტი. დაშავებულები არიან ჟურნალისტები.

 ”ესაა ომის კანონის დარღვევა , როცა სამედიცინო პუნქტებსა და ჟურნალისტებს ესხმიან თავს.  მათი საქციელი ყოველგვარ ზღვარს სცილდება, როცა იერიში მიაქვთ მშვიდობიან მოსახლეობაზე.”

გასულ ღამეს საქართველოს პრეზიდენტმა მიხეილ სააკაშვილმა ტელეკომპანიებს ”სი-ენ-ენ”-სა და ”ბი-ბი-სი”-ს ინტერვიუები მისცა.  სააკაშვილმა ქვეყანაში ამ ეტაპზე მიმდინარე მოვლენებისა და ცეცხლის შეწყვეტასთან დაკავშირებით ქართული მხარის გადაწყვეტილების შესახებ ისაუბრა.

მიხეილ სააკაშვილმა ”ბიბისი”-ს პირდაპირ ეთერში რუსეთის მიერ საქართველოში შემოჭრის დეტალები განიხილა. 

როგორც პრეზიდენტმა უცხოურ მედიასთან საუბრისას  ხაზგასმით აღნიშნა, “მოსკოვს საქართველოს ოკუპაცია დიდი ხნის წინ ჰქონდა დაგეგმილი”.

12 აგვისტო საბანკო სექტორისთვის დასვენების დღედ გამოცხადდა. ხვალ საქართველოში საბანკო ოპერაციები არ განხორციელდება. 

შესაბამისი გადაწყვეტილების შესახებ მოსახლეობას საქართველოს პრემიერ-მინისტრმა ლადო გურგენიძემ რამდენიმე წუთის წინ, მორიგ საინფორმაციო ბრიფინგზე აცნობა. 

მისი თქმით, საქართველოს ბანკები მზად იყვნენ მუშაობა ჩვეულ რეჟიმში გაეგრძელებინათ, თუმცა მოსახლეობაში აჟიოტაჟის თავიდან ასაცილებლად, ხელისუფლებამ აღნიშნული გადაწყვეტილება მიიღო. 

"ბანკებისთვის ხვალ მხოლოდ ერთდღიანი დასვენება გამოცხადდა," - განაცხადა გურგენიძემ და განმარტა, რომ სახელმწიფო უწყებები ხვალ ჩვეულ რეჟიმში იმუშავებენ.

საქართველო-რუსეთს შორის არსებული ომის შედეგად დაზარალებულთა დიდი ნაწილი ამ დროისთვის დაბინავებულია. ამის შესახებ საქართველოს უშიშროების საბჭოს მდივანმა ალექსანდრე ლომაიამ მორიგ საინფორმაციო ბრიფინგზე განაცხადა. მისი თქმით, კონფლიქტის ზონიდან იძულებით გამოძევებულ პირთა დაბინავება ძირითადად საბავშვო ბაღების შენობებსა და სკოლებში  მოხდა. ამასთან, ლომაიას განმარტებით, კონფლიქტის შედეგად უსახლკაროდ დარჩენილებს სახელმწიფო პირველადი მოხმარების საგნებითაც ამარაგებს. "ამ საკითხზე თბილის მერია და ლტოლვილთა და განსახლების  სამინისტრო ერთად მუშაობენ. ამ დროისთვის შეიძლება ითქვას, რომ იძულებით გადაადგილებულ პირთა ძირითადი ნაწილი დაბინავებულია", - განაცხადა ლომაიამ.

საქართველოს უშიშროების საბჭოს მდივნის ალექსანდრე ლომაიას განცხადებით, ცხინვალში იმაზე ნაკლები რაოდენობის ადამიანია დაღუპული, ვიდრე ამას რუსული მედია ავრცელებს.

ლომაიას მტკიცებით, რუსული პროპაგანდის მიერ გავრცელებული ინფორმაცია ცხინვალში ათასობით ადამიანის დაღუპვის შესახებ, სინამდვილეს არ შეესაბამება.

"დღეს ერთ-ერთმა საერთაშორისო ორგანიზაციამ ცხინვალში დაღუპულთა რიცხოვნობასთან დაკავშირებით ცნობა გამოაქვეყნა, რომელშიც აღნიშნულია, რომ რუსული პროპაგანდის მიერ გავრცელებული ინფორმაცია სინამდვილეს არ შეესაბამება. რა თქმა უნდა, კონფლიქტის ზონაში მსხვერპლი არის, თუმცა ის ძირითადად რუსეთის ავიაციის მიერ ქალაქში განხორციელებულ დაბომბვებს მოჰყვა," - განმარტა ლომაიამ. 

ამ წუთებში დასრულდა აშშ-ის პრეზიდენტის, ჯორჯ ბუშის გამოსვლა. მან მოკლე და მკაცრი განცხადება გააკეთა რუსეთის მისამართით. ბუშის თქმით, რუსეთის ფედერაციამ პატივი უნდა სცეს საქართველოს მთლიანობასა და სუვერენიტეტს.

“წარმოუდგენელი იყო, რომ 21 საუკუნეში რომელიმე სახელმწიფო მსგავს ქმედებებს განახორციელებდა, რასაც რუსეთი აკეთებს საქართველო მისამართით. მისმა საქციელმა სერიოზულად იმოქმედა რუსეთის რეპუტაციაზე მსოფლიოს თვალში”, -განაცხადა ბუშმა.

 

საქართველოში შექმნილი ვითარების გამო თბილისში რამდენიმე ქვეყნის პრეზიდენტი ჩამოვა.

როგორც უშიშროების საბჭოს მდივანმა კახა ლომაიამ განაცხადა, საქართველოში შექმნილი ვითარების გამო ლიტვის პრეზიდენტი ვალდას ადამკუსი, პოლონეთის პრეზიდენტი ლეხ კაჩინსკი, უკრაინის პრეზიდენტი ვიქტორ იუშჩენკო ესტონეთისა და ლატვიის პრემიერ-მინისტრები თბილისში ჩამოსავლელად ემზადებიან.

CNN] - ევროპის ლიდერები თავს ველდებულად თვლიან შეაჩერონ ესკალაცია. ზოგიერთმა მათგანმა განაცხადა, რომ რუსეთი ‘’არაშესაბამის’’ ძალას იყენებს. ევროსაბჭო ასევე გამოვიდა მოითხოვნით ”შეჩერდეს რუსეთის სამხედრო ზეწოლა საქართველოზე”.

მაგრამ, ამავდროულად ევროპელი დიპლომატები უშვებენ იმას, რომ საქართველოს პრეზიდენტი მიხეილ სააკაშვილი იყენებს სამხედრო ძალას ”რათა დაიბრუნოს დაკარგული ტერიტორია სამხრეთ ოსეთი. მას ალბათ იმედი ჰქონდა, რომ მსოფლიო ამ დროს ოლიმპიური თამაშებით იქნებოდა დაკავებული”, - გადმოსცემს აშშ-ს ტელეარხი CNN-ი.

ნატო-ში რუსეთის მუდმივი წარმომადგენელი დიმიტრი როგოზინი "ნატო-ს" საბჭოს გამართვის ინიციატივით გამოდის.

როგოზინის თქმით, სხდომაზე საქართველოს კონფლიქტის ზონებში შექმნილი ვითარებიდან გამოსვლის გზები უნდა იქნას განხილული.

შეგახსენებთ, რომ კონფლიქტის ზონაში ვითარება უკიდირესად დაძაბულია, პრობლემის გადასაჭრელად საქარველოს ხელისუფლება რეგულარულად მართავს მოლაპარაკებებს მსოფლიოს წამყვან ლიდერებთან და საერთაშორისო ორგანიზაციების წარმომადგენლებთან.

რუსულმა რეგულარულმა არმიამ ფოთიც დაიკავა.

ამის შესახებ საქართველოს პრემიერ-მინისტრმა ლადო გურგენიძემ მორიგ საინფორმაციო ბრიფინგზე განაცხადა.

"სენაკისა და გორის გარდა, რუსეთის ჯარმა უკვე ფოთიც დაიკავა, თუმცა სხვა ქალაქების მიმართულებით რუსეთის ჯარის გადაადგილება არ შეინიშნება," - განაცხადა გურგენიძემ, რომლის განმარტებითაც, რუსი ჯარისკაცები ქართველების წინააღმდეგ აქტიურ საომარ ქმედებებს არ ახორციელებენ.

ამ კონტექტში გურგენიძე ამტკიცებს, რომ თბილისს სახმელეთო შეტევის საშიშროება არ ემუქრება.

ამასთან, პრემიერის განმარტებით, საქართველოს ტერიტორიაზე რუსი ჯარისკაცების განთავსების თვალსაზრისით, აღნიშნულის გარდა სხვა მხრივ მდგომარეობა რადიკალურად არ შეცვლილა. 

როგორც ცნობილია, ბოლო ინფორმაციით, რუსი აგრესორები გორის მიმდებარე ტერიტორიაზე პატრულირებენ.  

გაავრცელეთ!
იქნებ აიღოთ ინიციატივა, გაავრცელოთ ყველგან, სკაიპში, ადნაკლასნიკებში, თარგმნოთ რა ენაზეც შეგიძლიათ და მოსდოთ მსოფლიოს!
გთავაზობთ ტექსტს და ვორდის ფაილადაც გაწვდით! ძმებო და დებო, არ დაიზაროთ რა!

ქართული საზოგადოების მიმართვა მსოფლიო საზოგადოებას

ჩვენ უძველესი ევროპული კულტურის მქონე ახალგაზრდა, დემოკრატიული ქვეყანა ვართ. ჩვენს ქვეყანაში დაიწყო ომი! რუსეთის აგრესიამ საზღვარი არ იცის, დღეს უკვე იბომბება საქართველოს მშვიდობიანი მოსახლეობა ქვეყნის მთელს ტერიტორიაზე. რუს სამხედროებთან ერთად ომი გამოგვიცხადა რუსულმა მედიამაც. ჩვენს ქვეყანაში გამოცხადდა საომარი მდგომარეობა. არ ვიცით, რა მოხდება ხვალ. ხვალინდელი დღე უნდა იყოს მშვიდობიანი, გამარჯვება მშვიდობისათვის!
მშვიდობა უნდა მოვიპოვოთ ერთად! ჩვენ ერთიანი მსოფლიოს ნაწილი ვართ!
შევაჩეროთ რუსეთი! ამ საუკუნეში თუ ჩვენ ვიქნებით პირველები, შემდეგი იქნებით თქვენ! არ განმეორდეს ისტორიული შეცდომები. როცა პასიურია ევროპა, რეაქციული ხდება რუსეთი.

საქართველოს მხარდაჭერა ევროპული ცივილიზაციის გადარჩენაა!

რუსეთის მიერ უკრაინის ოკუპაცია 1650-იანი წწ.
რუსეთი ყირიმი - 1783 წ.
რუსეთი - პოლონეთი - 1795 წ.
რუსეთი - აღმ. საქართველო - 1801 წ. 12 სექტემბერი, 1802 წ. აპრილი
რუსეთი - იმერეთი (დას. საქართველო)- 1810 წ.
რუსეთი - გურია (დას. საქართველო) - 1828 წ.
რუსეთი - სამეგრელო (დას. საქართველო) - 1856-57 წწ.
რუსეთი - სვანეთი (დას. საქართველო)- 1857 წ.
რუსეთი - აფხაზეთი - 1864 წ.
რუსეთისაგან 1 მილიონი კავკასიელის გაწყვეტა - 1859-1880 წწ. (მუხაჯირობა)
რუსეთი - იაპო ... წაიკითხეთ სრულად »

საქართველოს პრეზიდენტმა განცხდება გააკეთა. “ ამ წუთებში ქართული  ჯარი შემოსულია თბილისის შემოგარენში.

ბოლო ინფორმაციით , მტერი იმყოფება იგივე პოზიციებზე როგორც იყო. მათ არ დაუკავებიათ ქალქი გორი.

მინიმუმ ხვალამდე თბილისს საფრთხე არ ემუქრება. მე ამას ვამბობ იმიტომ, რომ სახლებიდან არ გახვიდეთ.

ჩვენი არტილერია განლაგებული იმ ადგილებში, საიდანაც უკეთ დაიცავენ თბილისს.

მოწინააღმდეგეებს მონიტორინგს ვუტარებთ. ჩვენ რამდენემი საათით ადრე გვეცოდინება მათი გეგმები.

... წაიკითხეთ სრულად »

წაკითხულია: 913 | თარიღი: 12.08.2008 | რეიტინგი: 0.0/0 | კომენტარი (0)