საქართველოს მთავრობის ოფიციალური ანგარიში 9 და 10 აგვისტოს მოვლენების შესახებ:

10 აგვისტო

19:10 - რუსულმა სამხედრო თვითმფრინავებმა საავიაციო ქარხანა ”თბილავიამშენი” დაბომბეს.
19:05 - რუსულმა თვითმფრინავმა თბილისის სამოქალაქო აეროპორტზე ბომბი ჩამოაგდო.
17:30 - საქართველომ ცეცხლის შეწყვეტა გამოაცხადა და განაცხადა, რომ ძალები გამოიყვანა კონფლიქტის ზონიდან.
16:10 - რუსეთის თვითმფრინავმა ერთადერთი დარჩენილი ხიდი დაბომბა მაგისტრალზე, რომელიც აღმოსავლეთ და დასავლეთ საქართველოს აკავშირებს, რამაც ხიდზე ცეცხლი გააჩინა. ცეცხლი ჩააქრეს და მოძრაობა აღდგა.
16:05 - რუსულმა თვითმფრინავებმა გორი დაბომბეს.
15:10 - რუსულმა ძალებმა და აფხაზმა სეპარატისტებმა ზემო კოდორის ხეობაზე სახმელეთო იერიში დაიწყეს.
15:00 - რუსულმა თვითმფრინავებმა ქარელის რაიონის სოფელი კნოველი დაბომბეს.

10 აგვისტოს შუადღისთვის ცხინვალისა და დორის რაიონებიდან 20-25 ათასი დევნილი ჩამოვიდა. თუმცა მათი რაოდენობა სწრაფად იზრდება.

9 აგვისტო

შუაღამისას საქართველოში როკის გვირაბით 6 000 რუსი სამხედრო, 90 ტანკი, 150 ჯავშანმანქანა და 250 საარტილერიო სისტემა შემოვიდა.
4 000 სამხედრო აფხაზეთის ოჩამჩირის პორტში შევიდა სევასტოპოლოს პორტიდან.

05:45 - დაღესტნიდან რუსული გამანადგურებელი საქართველოს საჰაერო სივრცეში შემოფრინდა და თბილავიამშენის ტერიტორიაზე სამი ბომბი ჩამოაგდო.
07:00 - საქართველოს ძალებმა ცხინვალი დატოვეს.
07:40 - რუსულმა თვითმფრინავებმა ზუგდიდის რაიონის სოფელი ურთა დაბომბეს.
08:45 - ათი რუსული თვითმფრინავი ზემო აფხაზეთს დაესხა თავს, ერთ-ერთი მათგანი ქართულმა ძალებმა ჩამოაგდეს.
09:00 - საქართველოს მთავრობის განცხადებით, 45 ჯარისკაცი და 47 მოქალაქე დაიღუპა.