Главная » 2008»აგვისტო»28 » გიგი უგულავა: "ვუსურვებ დევნილებს, შემდეგი მარიამობა ბედნიერი და მშვიდობიანი ყოფილიყოს"
გიგი უგულავა: "ვუსურვებ დევნილებს, შემდეგი მარიამობა ბედნიერი და მშვიდობიანი ყოფილიყოს"
12:34
თბილისის მერის გიგი უგულავას განცხადებით, "საქართველოს ხელისუფლება ყველაფერს გააკეთებს, რომ რუსეთის აგრესიის შედეგად დაზარალებულ ადამიანებს ზარალი აუნაზღაურდეთ". ამის შესახებ ქალაქის მერმა სიონის ღვთისმშობლის მიძინების ტაძარში საზეიმო წირვა-ლოცვის დაწყებამდე განაცხადა. უგულავამ საქართველოს მოსახლეობას, განსაკუთრებით კი დევნილებს მარიამობის ბრწყინვალე დღესასწაული მიულოცა და მშვიდობიანი მომავალი უსურვა. "მინდა, ვუსურვო დევნილებს, რომ შემდეგი მარიამობა მკვეთრად განსხვავებული - ბედნიერი და მშვიდობიანი ყოფილიყოს" - დასძინა უგულავამ. შეგახსენებთ, რომ ამ წუთებში სიონის ღვთისმშობლის მიძინების ტაძარში საზეიმო წირვა-ლოცვა მიმდინარეობს, რომლის დასრულების შემდეგ სრულიად საქართველოს კათალიკოს-პატრიარქი, უწმინდესი და უნეტარესი ილია მეორე იქადაგებს. ტაძარში უამრავი ხალხია შეკრებილი, მათ შორის - რუსული აგრესიის შედეგად დაზარალებული ადამიანებიც.
