სამხრეთ ოსეთისა და აფხაზეთის დამოუკიდებლობის აღიარება რუსეთის მხრიდან ხელყოფს საქართველოს ტერიტორიულ სუვერენიტეტს და ეწინააღმდეგება გაერო-ს უშიშროების საბჭოს რეზოლუციებს, რომლებსაც რუსეთიც აწერდა ხელს.

რუსეთის გადაწყვეტილება საეჭვოს ხდის რუსეთის, როგორც მშვიდობისა და უსაფრთხოების გარანტის, მონაწილეობას კავკასიის რეგიონში.

ვწუხვართ საქართველოში რუსეთის მიერ შეუსაბამო სამხედრო ძალის გამოყენებისა და საქართველოს ტერიტორიის ნაწილების მიმდინარე ოკუპაციის გამო.

მტკიცედ მოვუწოდებთ რუსეთის მთავრობას, სრულად განახორციელოს ექვს-პუნქტიანი სამშვიდობო გეგმა, კერძოდ: დააბრუნოს თავისი სამხედრო ძალები კონფლიქტამდე არსებულ პოზიციებზე.

ჩვენ ვადასტურებთ ჩვენს უცვლელ და ურყევ პოზიციას საქართველოს სუვერენიტეტისადმი საერთაშორისოდ აღიარებული საზღვრების ფარგლებში და ხაზს ვუსვამთ, რომ ანგარიშს ვუწევთ და თანადგომას ვუცხადებთ საქართველოს დემოკრატიულ და ლეგიტიმურ მთავრობას ამ კონფლიქტის მშვიდობიანად და ხანგრძლივი დროით გადაწყვეტის საქმეში.