| ჩეჩნები მოითხოვენ, რომ საქართველომ და მთელმა ცივილიზებულმა სამყარომ ჩეჩნეთის დამოუკიდებლობა აღიაროს. ამის შესახებ საქართველოში ჩეჩნური დიასპორის წარმომადგენელმა, ხიზრი ალდამოვმა განაცხადა.
მისი თქმით, დადგა დრო, რომ რუსეთმა ადეკვატური პასუხი მიიღოს საკუთარ საქციელზე არა მარტო დასავლეთისგან, არამედ - კავკასიისგან.
- ”აფხაზეთისა და სამხრეთ ოსეთის აღიარებით კრემლმა დიდი შეცდომა დაუშვა, რომელიც მთელს კაკასიაში საერთო სახალხო გამოსვლებს გამოიწვევს. ჩეჩნეთი, დაღესტანი, ინგუშეთი, ყარაჩაევო-ჩერქეზეთი, - ამ ხალხებისთვის მთავარი მიზანია რუსეთისგან თავი დაიხსნან. ყველა ეს ერები აღსდგება. კავკასია უნდა გაერთიანდეს რუსეთთან ომში და მსოფლიომ მას მხარდაჭერა უნდა გამოუცხადოს”.
- ”დღეს ყოველი ჩეჩენის გულში ახალმა ძალამ გაიღვიძა, ჩვენ დიდი ხანია დავრწმუნდით, რომ რუსეთი ბოროტების იმპერიაა და ეს საკუთარ თავზე გამოვცადეთ”, - განაცხადა ალდამოვმა.
|
