ბუნდესტაგის დელეგაცია, რომელიც თბილისში იმყოფება, სახელმწიფო მინისტრს რეინტეგრაციის საკითხებში თემურ იაკობაშვილს შეხვდა.
მხარეებმა საქართველოში ბოლო პერიოდში განვითრებული მოვლენები და რუსული აგრესიის შედეგები განიხილეს.
გერმანიის ბუნდესტაგის წევრები აცხადებენ, რომ მათი ქვეყანა აქტიურად დაეხმარება საქართველოს დაზარალებული მოსახლეობის პრობლემების გადაწყვეტის საქმეში.
ასევე განიხილეს ნატო-საქართველოს ურთიერთობა, საქართველოსთვის ნატოს სამოქმედო გეგმის მიღების პერსპექტივები და ევროკავშირის დამკვირვებელთა მისიის მუშაობის საკითხი.
თემურ იაკობაშვილი ამბობს, რომ რუსეთი ე.წ. ბუფერულ ზონებში პროვოკაციების მოწყობას გეგმავს.
| 