პარასკები, 29.03.2024, 01:21
სიახლები საქართველოს შესახებ.
Главная | Регистрация | Вход Приветствую Вас სტუმარი | RSS
Меню сайта
Наш опрос
საქართველო შევა ნატოში?
ნახვა: 348
Главная » 2008 » ოქტომბერი » 1 » ქართულ დიპლომატიას დიდი სირთულეები ელის
ქართულ დიპლომატიას დიდი სირთულეები ელის
21:49
”ქართულ დიპლომატიას დიდი სირთულეები ელის”, - ამის შესახებ განცხადება გაეროში საქართველოს მუდმივმა წარმომადგენელმა ირაკლი ალასანიამ გააკეთა. მისი ვრცელი ინტერვიუ დღეს გაზეთ ”24 საათშია” გამოქვეყნებული.

ალასანია მიიჩნევს, რომ შექმნილი კრიზისული სიტუაციიდან გამოსვლის მიზნით აუცილებელია მიმდინარე სიტუაციის ანალიზი და ზუსტი შეფასება.

- ”ცეცხლის შეწყვეტის შესახებ ექვსპუნქტიანი შეთანხმების ფარგლებში ოქტომბერში ჟენევაში დაგეგმილია მოლაპარაკებები, რომლისთვისაც აუცილებელია კომპეტენტურად მომზადება, გაეროსთან, ევროკავშირთან და ეუთოსთან, ასევე სხვა მხარეებთან აქტიური მუშაობის გატარება”, - აღნიშნა ალასანიამ.

მისი განცხადებით, ჯერ კიდევ აგვისტოში სიტუაციის მოსაგვარებლად არცერთმა მხარემ დიპლომატიური ბერკეტების პოტენციალი სრულად არ გამოიყენა.

- ”დიპლომატიას შეეძლო უფრო ეფექტურად ემუშავა. მაგრამ, რაც შეეხება მომხდარს - ყველასთვის ნათელია, რომ რუსეთი ხანგრძლივი დროის მანძილზე ემზადებოდა ამისთვის, რამდენიმე წლის განმავლობაში ქმნიდა სამხედრო ინფრასტრუქტურას ჩრდილოეთ კავკასიასა და კონფლიქტურ ზონებში. საქართველოს წინააღმდეგ ასევე განხორციელდა რიგი პროვოკაციები, რათა ქვეყანა კონფლიქტში ჩაეთრიათ. რთულია იმ გადაწყვეტილებების შეფასება, რომლებიც ივლისში იქნა მიღებული, როდესაც მე ნიუ-იორკში ვიყავი, თუმცა, სავარაუდოდ, არსებობდა კონფლიქტის მინიმუმამდე დაყვანის შესაძლებლობა, მეტი დრო და ენერგია, რომ დახარჯულიყო აფხაზეთთან და სამხრეთ ოსეთთან დიპლომატიაზე”, - აღნიშნა ალასანიამ.

იგი კონფლიქტების მოგვარებას და საქართველოს ტერიტორიული მთლიანობის აღდგენას შესაძლებელად მიიჩნევს, თუმცა, ეს, მისი განცხადებით, შეიძლება მოხდეს მხოლოდ მშვიდობიანი გზით.

- ”ერთადერთი გზა, რომელიც საქართველოს გასაერთიანებლად არსებობს - ეს მშვიდობიანი გზაა. ბუნებრივია, ამაზე საჭიროა დრო, რადგან ბოლო მოვლენებმა ეს შესაძლებლობა შეზღუდეს”, - განაცხადა ალასანიამ.
Просмотров: 793 | Добавил: admin | Рейтинг: 0.0/0 |
Всего комментариев: 0
სახელი *:
Email *:
კოდი *:
Форма входа
Календарь новостей
«  ოქტომბერი 2008  »
ორსამოთხხუთპარშაბკვი
  12345
6789101112
13141516171819
20212223242526
2728293031
Поиск
Друзья сайта
Copyright MyCorp © 2024
Website builder - uCoz