|
სასაზღვრო პოლიცია შინაგან საქმეთა სამინისტროს მიზანმიმართულ დევნაში ადანაშაულებს
საქართველოს სასაზღვრო პოლიცია შინაგან საქმეთა სამინისტროს გენერალურ ინსპექციას სასაზღვრო პოლიციის თანამშრომელთა მიზანმიმართულ დევნაში ადანაშაულებს.
სასაზღვრო პოლიცია სანაპირო დაცვის ტექნიკოსის დაკავების ფაქტს ეხმიანება და ღრმა მწუხარებას გამოთქვამს იმის გამო, რომ “გენერალური ინსპექციის მიერ მექრთამეობის მოტივით სასაზღვრო პოლიციის თანამშრომელთა მიზანმიმართული დევნა გრძელდება”.
«შინაგან საქმეთა სამინისტროს ვებ-გვერდზე გავრცელებული კადრებიდან კარგად ჩანს, რომ საქართველოს სასაზღვრო პოლიციის ფოთის სანაპირო ბაზის ელექტრო- და რადიოგაყვანილობების შემკეთებელს ხელების გადაგრეხვით, ძალით უდებენ ხელში ფულს», - აცხადებს სასაზღვრო პოლიცია.
|
