რურუა კანონში ოკუპაციის განმარტების ჩაწერას ითხოვს
20:26
თავდაცვისა და უშიშროების კომიტეტის თავმჯდომარის მოადგილე ნიკა რურუა "ოკუპირებული ტერიტორიების შესახებ" კანონში ტერმინ "ოკუპაციის" განმარტების ჩაწერას ითხოვს.
ამის შესახებ ნიკა რურუამ დღეს პარლამენტის ბიუროს სხდომაზე განაცხადა. მისი თქმით, საერთაშორისო სამართალი კანონიერ ოკუპაციასაც იცნობს და შესაბამისად აუცილებელია კანონში დაკონკრეტდეს, რომ რუსეთმა საქართველოს ტერიტორიების უკანონო ოკუპაცია განახორციელა.
რურუამ დასძინა, რომ წინააღმდეგ შემთხვევში, ის ემოციური მუხტი, რასაც ეს კანონი ატარებს, უცხო ქვეყნის მოქალაქეების მიერ სათანადოდ ვერ იქნება აღქმული. "ოკუპირებული ტერიტორიების" შესახებ კანონპროექტი ჯერჯერობით მხოლოდ პირველი მოსმენით არის მიღებული. არ არის გამორიცხული პარლამენტმა აღნიშნული კანონი მესამე მოსმენითაც მიმდინარე კვირას მიიღოს.
