| საჩხერის რაიონის სოფელ პერევში რუსეთის უკანონო ბლოკ-პოსტი 8 ოქტომბერს გაუქმდება.
აღნიშნული ინფორმაცია საჩხერის გამგებელმა ზურაბ ცერცვაძემ დაადასტურა.
ამ დროისათვის საჩხერის რაიონის სოფელ პერევში უკანონო ბლოკ-პოსტზე რუსი ოკუპანტების არანაირი გადაადგილება არ შეინიშნება. თუმცა, როგორც სოფლის ადგილობრივი მცხოვრებლები აცხადებენ, რუსები მათთან საუბარში ხშირად ახსენებენ, რომ მათ საქართველოდან გასვლა სურთ, თუმცა ბრძანებას მეთაურები არ აძლევენ.
“ჩვენი ინფორმაციით, საჩხერიდან მათი გასვლა 8 ოქტომბერს უნდა მოხდეს”, - განუცხადა ჟურნალსტებს რაიონის გამგებელმა ზურაბ ცერცვაძემ.
ამ დროისათვის სოფელში სიწყნარეა.
| 