| აშშ-ის შემდგომი დახმარების ერთ-ერთი პრიორიტეტი საქართველოს საჰაერო თავდაცვის სისტემის გამყარება იქნება. ამის შესახებ საქართველოს თავდაცვის მინისტრის მოადგილემ ბათუ ქუთელიამ დღეს ბუდაპეშტში აშშ-ის თავდაცვის მდივანთან რობერტ გეიტსთან შეხვედრის დასრულების შემდეგ განაცხადა. “ეს ჩვენთვის აუცილებელია არა მხოლოდ სამხედრო, არამედ პოლიტიკური და ეკონომიკური თვალსაზრისითაც. დეტალურად ამ საკითხებს ჩვენ ვაშინგტონში დაგეგმილ შეხვედრაზე განვიხილავთ”, - აღნიშნა მინისტრის მოადგილემ.
| 