რუსეთის ფედერაციის მხრიდან საქართველოს ტერიტორიული მთლიანობის ხელყოფის მიზნით განხორცილებული სამხედრო აგრესიისა და სხვა ქმედებების შემსწავლელი პარლამენტის დროებითი კომისიის წევრები დღესსაქართველოში აკრედიტებული დიპლომატიური კორპუსის წარმომადგენლებს შეხვდებიან.
როგორც კომისიის მდივანმა ნიკოლოზ ლალიაშვილმა განაცხადა, აღნიშნული ჯგუფის წევრები ელჩებს სამუშაო გეგმას გააცნობენ. ასევე, გაიზიარებენ მათ რეკომენდაციებს იმაზე, თუ როგორ უნდა იმუშაოს კომისიამ ეფექტიანად და წარმატებულად.
საპარლამენტო კომისიის წევრები დიპლომატიური კორპუსის წარმომადგენლებისგან იმ შეკითხვებსაც მოისმენენ, რაც მათ 2008 წლის აგვისტოში განვითარებულ მოვლენებზე გაუჩნდათ. ამასთან, შესაძლოა რუსეთ-საქართველოს ომთან დაკავშირებით გარკვეული ინფორმაცია თავად დიპლომატებსაც გააჩნდეთ.
”ჩვენ ნებისმიერ ინფორმაციასა და შეკითხვას ინტერესით მოვისმენთ, რადგან ეს ყველაფერი კომისიის მუშაობისთვის მეტად ღირებულია” , - აღნიშნა ნიკოლოზ ლალიაშვილმა.