პარტია „საქართველოს გზის“ ლიდერი სალომე ზურაბიშვილი ბრიუსელში ორდღიანი ვიზიტისას ევროკავშირის უმაღლეს წარმომადგენელს ხავიერ სოლანას და ეუთო-ს საგარეო ურთიერთობათა კომისრის მოადგილეს ენევო ლამნადაბუროს შეხვდა.
შეხვედრაზე სალომე ზურაბიშვილმა ევროპელ დიპლომატებთან ქვეყანაში შექმნილ ვითარებაზე და ომის კრიზისზე ისაუბრა.
„კრიზისის შემდგომ ხალხს უნდა მიეცეს საშუალება გამოხატოს თავსი ნება, უჭერს თუ არა ხელისუფლება მხარს, ამისათვის კი საჭიროა არჩევნების ჩატარება, რომელსაც არა მხოლოდ დააკვირდებიან ევროპული ინსტიტუტები, არამედ თვითონ იქნებიან მისი ორგანიზატორები. მათ უნდა იმუშაონ საქართველოში თავისუფალი მედიის გასაძლიერებლად. კარგი იქნებოდა ახლად ოკუპირებული ტერიტორიები ჟენევის კონფერენცია ცალკე განხილულიყო. რაც შეეხება დონორთა კონფერენციას თანხების განაწილება გამჭვირვალედ უნდა წარიმართოს. მის გაკონტროლებაში უშუალოდ ევროპულმა ინსტიტუტებმა უნდა მიიღონ მონაწილეობა, რომ დევნილებამდე მივიდეს კუთვნილი თანხა“, _ განაცხადა ბრიუსელში ყოფნისას სალომე ზურაბიშვილმა.
| 