Главная » 2008 » სექტემბერი » 2 » ნიკოლა სარკოზი: "8 სექტემბერი ძალიან მნიშვნელოვანი თარიღი იქნება ევროკავშირ-რუსეთის ურთიერთობის გარკვევის თვალსაზრისით"
ნიკოლა სარკოზი: "8 სექტემბერი ძალიან მნიშვნელოვანი თარიღი იქნება ევროკავშირ-რუსეთის ურთიერთობის გარკვევის თვალსაზრისით"
01:33
8 სექტემბერი ძალიან მნიშვნელოვანი თარიღი იქნება ევროკავშირისა და რუსეთის ურთიერთობის გარკვევის თვალსაზრისით. ამის შესახებ ევროკავშირის დღევანდელი საგანგებო სამიტის დასრულების შემდეგ გამართულ ბრიფინგზე ევროკავშირის თავმჯდომარე ქვეყნის - საფრანგეთის პრტეზიდენტმა ნიკოლა სარკოზიმ განაცხადა. მისი თქმით, "რუსეთის მიერ საქართველოს რეგიონების დამოუკიდებლობის აღიარება ევროპისთვის მიუღებელია და გავლენის სფეროების მსგავსი გადანაწილების დრო აღარ არის". "ჩვენ არ გაგვჭირვებია კონსენსუსის მიღწევა: ყოველგვარი ბუნდოვანების გარეშე ვაფიქსირებთ, რომ ვგმობთ რუსეთის აგრესიას საქართველოს მიმართ" – განაცხადა სარკოზიმ, თუმცა აქვე დასძინა, რომ "ევროკავშირი სრულად აცნობიერებს საკუთარ პასუხისმგებლობასა და ევროპასა და რუსეთს შორის შემდგომი დიალოგის გაგრძელების მნიშვნელობას". ამასთან, საფრანგეთის პრეზიდენტმა საქართველოს ფინანსური და საჭიროების შემთხვევაში სხვა სახის დახმარება აღუთქვა და პირობა დადო, რომ "ამ კუთხით ევროკავშირი ქართველების იმედებს არ გააცრუებს".
