სტუბს მიაჩნია, რომ ევროკავშირის მისიის პარალელურად ეუთო-ს 80 დამკვირვებელი ე.წ. უსაფრთხოების ზონაში, 8 სამშვიდობო კი უშუალოდ ცხინვალის კონფიქტის ზონაში უნდა განთავსდეს, როგორც ეს 1990-იან წლებში მიღწეული შეთანხმებებით იყო გათვალისწინებული.

ეუთო-ს მოქმედი თავმჯდომარის განცხადებით, კავკასიის უსაფრთხოების საკითხებზე ეუთო-სთან თანამშრომლობის შესახებ მოსკოვიდან დადებითი სიგნალი მოდის.

ალექსანდრე სტუბმა და რუსეთის ფედერაციის საგარეო საქმეთა მინისტრმა სერგეი ლავროვმა ე.წ. სამხრეთ ოსეთში უსაფრთხოების გარანტიების საკითხი ნიუ-იორკში, გაერო-ს გენერალური ასამბლეის ფარგლებში გუშინ გამართულ შეხვედრაზე განიხილეს.

- ”2007 წელს ჭანდრის ღვინის ქარხანას საფერავი ყურძენი ჩავაბარე და თანხას დღემდე უშედეგოდ ვითხოვ, არადა ფული გასული წლის ბოლომდე უნდა გადაეხადათ. გამგებელსაც მივმართე არაერთხელ და სოფლის მეურნეობის სამინისტროსაც, მაგრამ ყურადღება არავინ მომაქცია. დღეს კი შტაბში მივედი და წარმომადგენლებს დახმარება ვთხოვე, მათ კი სიტყვიერი შეურაცხყოფა მომაყენეს და ხმაურის შემთხვევაში პოლიციით დამემუქრნენ”, - აღნიშნავს ვაჟა დვალიშვილი.

მევენახემ დახმარებისათვის ადამიანის უფლებათა ცენტრს მიმართა. ორგანიზაციის იურისტები დვალიშვილისთვის კუთვნილი თანხის, 220 ლარის გადახდის და დამატებით მატერიალური კომპენსაციის დაკისრების მოთხოვნით, რაიონულ სასამართლოში სარჩელს ამ დღეებში შეიტანენ.

გერმანიიდან ევროკავშირის სადამკვირვებლო მისიის ფარგლებში 13 წარმომადგენელი ჩამოვიდა. დამკვირვებლების მეორე ნაკადს ხვალ ელოდებიან.

დამკვირვებლებს გერმანიის ელჩი საქართველოში პატრიცია ფლორი და საქართველოში სადამკვირვებლო მისიის ხელმძღვანელი ჰანს იორგ ჰაბერი დახვდნენ.

წინასწარი ინფორმაციით, დამკვირვებელები რუსული მხარის მიერ შექმნილ ბუფერულ ზონებში, ზუგდიდსა და ფოთში განთავსდებიან.

შეგახსენებთ, რომ საერთო ჯამში გერმანიიდან ევროკავშირის დამკვირვებელთა მისიის ფარგლებში 40 დამკვირვებელი ჩამოვა.

საქართველოს პარლამენტის თავმჯდომარე თავით ბაქრაძე ცინიკურად აფასებს რუსეთის პრემიერ-მინისტრის ვლადიმერ პუტინის განცხადებას ქართველ ხალხთან ურთიერთობის აღდგენის შესახებ და აცხადებს, რომ ”მაშინ, როდესაც რუსეთმა საქართველოს ტერიტორიების ანექსია მოახდინა, მასთან ნორმალურ ურთიერთობაზე საუბარი წარმოუდგენელია”.

”მაშინ, როდესაც რუსეთმა საქართველოს ტერიტორიების ანექსია მოახდინა და მისი საოკუპაციო ჯარები საქართველოს ტერიტორიაზე იმყოფებიან, ჩემთვის წარმოუდგენელია რუსეთთან ნორმალური ურთიერთობის შესახებ საუბარი”, - განაცხადა ბაქრაძემ, რომლის შეფასებით, ”რუსეთის ეს განცხადება ქართველების მიმართ მორიგი ცინიკური დამოკიდებულებაა”.

შეგახსენებთ, რომ ვლადიმერ პუტინმა ქართველ ხალხთან ურთიერთობის აღდგენის აუცილებლობაზე გუშინ ისაუბრა. ამასთან, გუშინვე მან რუსეთისა და ე.წ. სამხრეთ ოსეთის საზღვრის შესაძლო გაუქმებაზე გააკეთა განცხადება

საქართველოს სახალხო დამცველმა სოზარ სუბარმა არასამთავრობო ორგანიზაციისა და პოლიტიკური პარტიების წარმომადგენლებს დღეს, საქართველოში დემოკრატიის განვითარების მისეული ხედვა გააცნო. 

მისი განცხადებით, საქართველოს მარცხი ქვეყანაში არსებულმა ავტორიტარულმა მმართველობამ და დემოკრატიის არარსებობამ გამოიწვია. იმ შემთხვევაში კი, თუ ქვეყანაში ავტორიტარული მმართველობა ისევ გაგრძელდება, ახლო მომავალში საქართველოში ახალი კატასტროფები იქნება მოსალოდნელი. 

სუბარის თქმით, საქართველოს ხელისუფლებამ რუსეთთან დაპირისპირება და მსოფლიოსთვის თავისი „ანტირუსულობის“ დამტკიცება არა ადამიანის უფლებების დაცვით და სახელმწიფოში ევროპული დემოკრატიის აშენებით, არამედ ქვეყანაში ავტორიტარიზმის დამკვიდრებით გადაწყვიტა. აქედან გამომდინარე კი, ხელისუფლებამ ქვეყანაში სწორი გადაწყვეტილებების მიღების უნარი დაკარგა, ამ ყველაფრით კი რუსეთმა ისარგებლა და მან დიდი ხნის წინ დაგეგმილი ტერიტორიების მიღების მზაკვრული გეგმა განახორციელა. 

მისივე თქმით, საქართველოში დატრიალებული ტრაგედიის უმთავრესი მიზეზი, სწორედ ის არის, რომ  საქართველოს ხელისუფლება მიზანმიმართულად არღვევს ადამიანის უფლებებს. 

სახალხო დამცველს მიაჩნია, რომ საქართველოში არსებულმა სისტემამ, წესმა და სტილმა ქვეყანა უმძიმეს მდგომარეობამდე მიიყვანა, ქვეყნისათვის  ძნელბედობის ჟამს კი აუცილებელია ერთობა და იგი იმ ზნეობრივ პრინციპებსა და ღირებულებებს უნდა დაეფუძვნოს, რომელიც დემოკრატიული სახელმწიფოს მშენებლობის ... წაიკითხეთ სრულად »

აფხაზურმა მხარემ ორი დღის წინ გატაცებული ოთხი ქართველი ახალგაზრდა დღეს გაათავისუფლა.

ბაჩა ახალაია, გოგა კვირკვია, ხვიჩა უბირია და პაპუნა ქვარაია უკვე ზუგდიდის რაიონის ტერიტორიაზე, საკუთარ ოჯახებში იმყოფებიან.

მათი ოჯახის წევრების განცხადებით, დაკავებულების გათავისუფლების სანაცვლოდ მათ თანხა არ გადაუხდიათ, თუმცა, ერთ-ერთი ვერსიით, თითოეულმა ოჯახმა გამოსასყიდის სახით 2000 ლარი გადაიხადა.

ზუგდიდის რაიონის მაცხოვრებლები ბაჩა ახალაია, გოგა კვირკვია, ხვიჩა უბირია და პაპუნა ქვარაია გალის რაიონის მილიციის განყოფილების უფროსმა ბესიკ ჭყონიამ სოფელ პირველ ოტობაიაში ორი დღის წინ დააკავა. ისინი გალის რაიონში თხილის შესაგროვებლად იყვნენ გადასულები.

ოთხ ახალგაზრდასთან ერთად თავდაპირველად დაკავებული იყო ასევე ოთხი ქალიც, თუმცა აფხაზებმა მოგვიანებით ისინი გაათავისუფლეს და წერილი გამოატანეს. აფხაზები წერილში გოდერძი ეფენიას გათავისუფლებას მოითხოვდნენ, რომელიც ზუგდიდში ქართველმა სამართალდამცავებმა ნარკოტიკების უკანონო შენახვისა და რეალიზაციის ბრალდებით დააკავეს. ეფენია ამ დრომდე პატიმრობაში რჩება.

საქართველოს საგარეო საქმეთა მინისტრის მოადგილემ გრიგოლ ვაშაძემ, სამხრეთ კავკასიაში ევროკავშირის სპეციალურმა წარმომადგენელმა პიტერ სემნებიმ და საქართველოში ევროკომისიის დელეგაციის ხელმძღვანელმა პერ ეკლუნდმა საქართველოსა და ევროკავშირს შორის არსებული ურთიერთობების აქტუალური საკითხები განიხილეს.  

შეხვედრის დროს მხარეები შეთანხმდნენ, რომ განხილულ საკითხებთან და სხვა პრობლემებთან დაკავშირებით კონსულტაციებს გააგრძელებენ.

პოლიტიკური გაერთიანებების დაფინანსების შესახებ პარლამენტი სრულიად ახალ კანონს მიიღებს. 

არის კიდევ ერთი სიახლე: პარტიების სამი კომპონენტისგან შემდგარ დაფინანსებას კიდევ ერთი დაემატება  – პარტიები ფულს სპეციალურად შექმნილი ფონდიდანაც მიიღებენ.

ასეთია წინასწარი შეთანხმება, რომლითაც ანტიკრიზისული საბჭოს წევრებმა დღევანდელი სხდომა დაასრულეს. 

”პარტიებისთვის საბიუჯეტო დაფინანსების აღდგენის შესახებ გადაწყვეტილება მიღებულია. შენარჩუნდება დაფინანსების სამივე კომპონენტი: საბაზისო, ამომრჩეველთა ხმებისა და საპარლამენტო მანდატების მიხედვით განსაზღვრული დაფინანსება, რომელთაც დაემატება მეოთხე – ფონდის დაფინანსება”- განუცხადა ჟურნალისტებს ანტიკრიზისული საბჭოს ხელმძღვანელმა გია თორთლაძემ, რომლის თქმით, ყველა აღნიშნულ შეთანხმებასთან დაკავშირებით კონსულტაციები მომავალი კვირიდან გაგრძელდება.   

როგორც ცნობილია, რიგი ოპოზიციური პარტიებისთვის საბიუჯეტო დაფინანსების შეწყვეტის გადაწყვეტილება ახალი პარლამენტის მიერ პირველივე სხდომებზე იქნა მიღებული. ”მოქალაქეთა პოლიტიკური გაერთიანებების შესახებ” კანონში ცვლილება შევიდა, რომლის თანახმად, სახელმწიფო ბიუჯეტიდან დაფინანსება შეუწყდა ყველა იმ პოლიტიკურ პარტიას, რომელთა წევრებმაც საპარლამენტო მანდატებზე უარი თქვეს და პარლამენტის შემადგენლობა დატოვეს. აღნიშნული ცვლილება იმ პოლიტიკურ პარტიებსაც ეხება, რომელთა წევრები თავად პარტიის შემადგენლობას ტოვებენ. 

მოქმედი კანონმდე ... წაიკითხეთ სრულად »

რუსეთის პრემიერ-მინისტრი ვლადიმერ პუტინი გამოდის ინიციატივით, რუსეთმა აქტიური კონტაქტები განავითაროს საქართველოს სამოქალაქო საზოგადოებასთან, იუწყება 25 სექტემბერს ”ინტერფაქსი”.

კულტურის სამინისტროს წარმომადგენლები, დღესდღეობით, მხოლოდ გორის რაიონის ისტორიული ძეგლების განსაცდელზე საუბრობენ. ზნაურისა და ჯავის რაიონებში არსებულ კულტურის ძეგლებზე კი, ინფორმაცია საერთოდ არ არსებობს.

ზოგადად, კონფლიქტის რეგიონში სხვადასხვა პერიოდის 500-მდე ძეგლია აღრიცხული, რომლებიც მე-6 მე-19 საუკუნეებით თარიღდება. მათ შორის ერთ-ერთი უნიკალური ძეგლია მე-12 საუკუნის იკორთის ტაძარი, რომელიც, არქიტექტურული ღირებულების გარდა, იმითაცაა მნიშვნელოვანი, რომ იქ დაკრძალულნი არიან 1659 წლის კახეთის აჯანყების გმირები: შალვა და ელიზბარ ქსნის ერისთავები და ბიძინა ჩოლოყაშვილი. იკორთის შესახებ კულტურის სამინისტრომ, ჯერჯერობით, მხოლოდ ის იცის, რომ 9-10 აგვისტოს დაბომბვის დროს, ტაძრის მიმდებარე ტერიტორიაზე ჭურვები ჩამოყარეს. რამდენად დაზიანდა ტაძარი, რეალური ცნობები არ არსებობს.

როგორც საქართველოს კულტურის სამინისტროს კულტურული მემკვიდრეობის მონიტორინგის სამმართველოს უფროსმა ნიკა ანთიძემ გვითხრა, პირველ ეტაპზე ინფორმაცია მხოლოდ რამდენიმე ძეგლის შესახებ ჰქონდათ. ესენი იყო ხეითის მთავარ ანგელოზის ეკლესია, ქემერტის წმინდა გიორგი ეკლესია და სვერის წმინდა გიორგის ეკლესია, რომელიც ხის არქიტექტურის უიშვიათეს ნიმუშს წარმოაგდენდა.

რადგანაც ეკელსია ხის იყო, იგი მარტივად გადაწვეს. ასევე იცოდნენ, რომ ოკუპანტ ... წაიკითხეთ სრულად »

მათ, ვინც შუა გზაზე საზოგადოების ორიენტაციის შეცვლის მცდელობას პოლიტიკური, თუ სხვა ინტერესებიდან გამომდინარე ახდენს, რეალური მსჯელობა არ აინტერესებს, მაგრამ მათ, ვისაც გულწრფელი კითხვები გაუჩნდა იმასთან დაკავშირებით, თუ ვინ რას აკეთებს საკუთარი და ჩვენი მომავლისათვის, შეიძლება ამ წერილის წაკითხვა დაეხმაროს.

ფინეთმა უარი თქვა ”ჩრდილო ნაკადის” გაზის მილსადენის ბალტიის ზღვაში მის ტერიტორიულ წყლებში გატარებაზე და ამით რეალურად შეაჩერა რუსეთისათვის ეს უმნიშვნელოვანესი პროექტი. ფინეთში ამერიკის ელჩმა განაცხადა, რომ ფინეთის მაგალითს სხვამაც უნდა მიბაძონ. ცხადია,რუსეთის უკვე მეორე ”სამხრეთ ნაკადის” მილსადენზე ანალოგიური გადაწყვეტილების მისაღებად ამერიკა უკვე საბერძნეთს, ბულგარეთსა და იტალიას მიმართავს.

აშკარაა, რომ ფინეთის გადაწყვეტილების უკან ამერიკა დგას. ჩვენ ბოლომდე შეიძლება ვერც ვაცნობიერებდეთ ევროპისთვის და მათ შორის ჩვენთვისაც რა არსებითი ძვრების მოხდენას ცდილობს სწორედ ამერიკა. ამერიკა და არა ევროპა, რადგანაც ევროპა ამ საკითხებში ჯერჯერობით ვერანაირად ვერ გამოვა საერთო პოზიციით. ფინეთის აღნიშნულმა გადაწყვეტილებამ გერმანიაში საშინელი აღშფოთება და ხმაური გამოიწვია, რადგან ”ჩრდილო ნაკადი” ბალტიისპირეთის გვერდის ავლით გერმანიის ინტერესებს ემსახურებოდა.

რუსეთის ევროპისადმი მიმართული ენერგეტიკული პოლიტიკის ამოცანაა ევროპის ქვეყნების გ ... წაიკითხეთ სრულად »

გაირკვა, რომ საომარი მოქმედებებით დაზარალებული მოსახლეობისათვის სულ 1’375 სახლი შენდება. მუნიციპალური განვითარების ფონდის მონაცემებით, რომელიც მშენებლობის ზედამხედველობას ახორციელებს, კასპის რაიონის სოფელ თელიანში - 54, მეტეხში - 35, აღაიანში კი 112. გორის რაიონის სოფელ ბერბუკში - 134, სკრაში - 86, ხურვალეთში - 139, შავშვებში - 177, კარალეთში კი 480 სახლი შენდება. ქარელის რაიონის სოფელ ახალსოფელში - 100, სოფელ მოხისში კი 58.

სოფელ შავშვებთან 177 სახლის მშენებლობა 17 ნოემბრამდე უნდა დასრულდეს. აქ დევნილები ძირითადად გორში მდებარე “კარვების ქალაქიდან”, ფრონესა და პატარა ლიახვის ხეობიდან დასახლდებიან. გარდა იმისა, რომ ხელისუფლება დევნილებს კეთილმოწყობილ და კომუნალური საკითხებით მოწესრიგებულ სახლებს გადასცემს, მათ მიეცემათ ასევე ფულადი კომპენსაციები, რომლითაც შესაძლებლობა ექნებათ საქონელი შეიძინონ და მოაშენონ.

გორის რაიონის სოფელ შავშვებთან მდებარე 15 ჰექტარზე გადაჭიმულ ტერიტორიაზე საცხოვრებელი კოტეჯები, დაახლოებით, 700-მდე ადამიანზეა გათვლილი. მუნიციპალური განვითარების ფონდის ხელმძღვანელმა ლაშა გოცირიძის თქმით, ამჟამად აქტიურად მიმდინარეობს საცხოვ ... წაიკითხეთ სრულად »

ნიუ იორკში ახალი კომპანია დაარსდა, რომელიც საქართველოში ინვესტიციების მოზიდვით იქნება დაკავებული. კომპანიის ხელმძღვანელების თქმით, “სილქროუდ ტრანსატლანტიკური ალიანსი” ამერიკასა და ქართულ ეკონომიკურ ბაზრებს შორის ხიდის როლს შეასრულებს.

კომპანიის პრეზენტაცია ნიუ იორკის ერთ-ერთ ბოჰემურ უბანში, იმ სასტუმროში გაიმართა, რომლის მფლობელიც ცნობილი ჰოლივუდის ვარსკვლავი რობერტ დე ნიროა. ცერემონიაზე მიწვეულნი იყვნენ ნიუ იორკის მერი, მაიკ ბლუმბერგი ჰოლივუდის მსახიობები უმა თურმანი და ჯულიანა მური, აგრეთვე ცნობილი ამერიკელი ბიზმესმენები.

ქართულ დელეგაციას საქართველოს პრეზიდენტი მიხეილ სააკაშვილი ხელმძღვანელობდა. ღონისძიებას თბილისის მერი გიგი უგულავაც ესწრებოდა. ჟურნალისტები მხოლოდ რამდენიმე წუთი დაასწრეს ამ ღონისძიებას.

იმ დროს, როდესაც თეთრი სახლის საქართველოს მთავრობის მხარდაჭერით არის დაკავებული და ჩვენი ქვეყნისთვის ინვესტორების ძიებაშია, თავად აშშ-ის ეკონომიკის საქმე ყოველ წუთს რთულდება. ახალი ინვესტიციები და ფინანსური ინექციები ამერიკასაც საქართველოზე არანაკლებ ესაჭიროება, ხოლო ვაშინგტონისათვის ეგზომ აუცილებელი ინვესტიციათა მასშტაბები გაცილებით დიდია.

ამერიკის შეერთებული შტატების პრეზიდენტმა ჯორჯ ბუშმა ტელეკომპანია “სი-ენ-ენის” ეთერში გამოსვლისას აღიარა, რომ აშშ სერიოზ ... წაიკითხეთ სრულად »

- ”2007 წელს ჭანდრის ღვინის ქარხანას საფერავი ყურძენი ჩავაბარე და თანხას დღემდე უშედეგოდ ვითხოვ, არადა ფული გასული წლის ბოლომდე უნდა გადაეხადათ. გამგებელსაც მივმართე არაერთხელ და სოფლის მეურნეობის სამინისტროსაც, მაგრამ ყურადღება არავინ მომაქცია. დღეს კი შტაბში მივედი და წარმომადგენლებს დახმარება ვთხოვე, მათ კი სიტყვიერი შეურაცხყოფა მომაყენეს და ხმაურის შემთხვევაში პოლიციით დამემუქრნენ”, - აღნიშნავს ვაჟა დვალიშვილი.

მევენახემ დახმარებისათვის ადამიანის უფლებათა ცენტრს მიმართა. ორგანიზაციის იურისტები დვალიშვილისთვის კუთვნილი თანხის, 220 ლარის გადახდის და დამატებით მატერიალური კომპენსაციის დაკისრების მოთხოვნით, რაიონულ სასამართლოში სარჩელს ამ დღეებში შეიტანენ.

 მიხეილ სააკაშვილის ხელმძღვანელობით ქართული დელეგაცია გაერო-ს გენერალური ასამბლეის 63-ე სესიაში მონაწილეობს.

სესიაზე სიტყვით უკვე წარსდგა საქართველოს პრეზიდენტი. მიხეილ სააკაშვილმა სიტყვით გამოსვლისას რუსული აგრესიის შესახებ ისაუბრა.

მიხეილ სააკაშვილმა აგვისტოს მოვლ ... წაიკითხეთ სრულად »

პუტინი ე.წ. სამხრეთ ოსეთთან საზღვრის გაუქმებას აპირებს. რუსეთის ექს-პრეზიდენტმა და მთავრობის ამჟამინდელმა მეთაურმა ეს ინციატივა უკვე გაახმიანა.

პუტინის განცხადებით, სასაზღვრო კონტროლის გაუქმება “რესპუბლიკის ეკონომიკურ რეაბილიტაციას შეუწყობს ხელს” და დასძინა, რომ ამისთვის შესაბამისი სამართლებრივ საფუძვლებს რუსეთსა და ე.წ. სამხრეთ ოსეთს შორის ხელმოწერილი სახელმწიფოთაშორისი თანამშრომლობის შეთანხმება იძლევა. 

პუტინმა ასევე აღნიშნა, რომ აუცილებელია კიდევ ერთი შეთანხმების ხელმოწერა, რომელიც რეგიონში რუსეთის საზღვრის უსაფრთხოებას უზრუნველყოფს და იმავდროულად სამხრეთ ოსეთის და რუსეთის მოსახლეობას საშუალებას მისცემს “ყოველგვარი ადმინისტრაციული ბარიერის გარეშე” ჰქონდეთ ურთიერთობა. 

ჯერჯერობით არ არსებობს ინფორმაცია, აპირებს თუ არა რუსეთი საზღვრის იგივე “მოდელის” აფხაზეთში გამოყენებასაც.

პარლამენტის დროებითი საგამოძიებო კომისიის ხელმძღვანელად, რომელიც აგვისტოს მოვლენებს გამოიძიებს ჯი-ეიჩ-ენის ინფორმაციით პაატა დავითაია დაინიშნება. აგვისტოს თვეში განვითარებული მოვლენების შესასწავლად პარალმენტის დროებითი კომისიის შექმნაზე გადაწყვეტილება საპარლამენტო უმრავლესობამ და უმცირესობამ ურთიერთშეთანხმების საფუძველზე მიიღეს. 

კომისიის შექმნის შესახებ გადაწყვეტილებას პარლამენტი კენჭს დღეს უყრის და კომისიის თავმჯდომარესაც დღესვე დაატკიცებს. 

დღესვე განისაზღვრება კომისიის წევრთა რაოდენობაც. ხოლო მათი შერჩევა, კომისიის შექმნის შესახებ გადაწყვეტილების მიღებიდან 10 დღის განმავლობაში მოხდება. კომისიის წევრებს პარლამენტს დასამტკიცებლად კომისიის თავმჯდომარე წარუდგენს.

აღსანიშნავია, რომ საპარლამენტო უმრავლესობასა და უმცირესობას შორის მიღწეულია შეთანხმება, რომლის თანახმად, აგვისტოს მოვლენების დროებით საგამოძიებო კომისიაში ოპოზიციას უმრავლესობაზე მეტი წარმომადგენელი ეყოლება. 

რაც შეეხება კომისიის ხელმძღვანელს, აქამდე ამ პოსტზე საპარლამენტო უმცირესობის ორი წევრის, გიორგი ახვლედიანის და ნიკა ლალიაშვილის კანდიდატურებს განიხილავდნენ, თუმცა მხარეები  საბოლოოდ პაატა დავითაიას კანდიდატურაზე შეთანხმდნენ და პარლამენტი ამ თანამდებობაზე სავარაუდოდ სწორედ მას დაამტკიცებს.

მისიის ხელმძღვანელმა აღნიშნა, რომ აუცილებელია გამოძიების ჩატარება. ევროსაბჭოს დელეგაციის თქმით, ყველა საერთაშორისო ორგანიზაცია უნდა ჩაერთოს აგვისტოს მოვლენების ო ... წაიკითხეთ სრულად »

სეპარატისტული აფხაზეთის ე.წ. საგარეო საქმეთა მინისტრი სერგეი შამბა საქართველოს სპეცსამსახურებს აფხაზეთისა და სამხრეთ ოსეთის წინააღმდეგ ტერორისტული საქმიანობის გააქტიურებაში სდება ბრალს. 

“საქართველოს არასოდეს შეუწყვეტია ტერორისტული მოღვაწეობა, ახლა კი ამ საქმიანობის გააქტიურება დაიწყო. ჩვენ უკვე 15 წელიწადია ვსაუბრობთ, რომ საქართველოსგან ტერორისტული საფრთხე მოდის”, - განაცხადა სერგეი შამბა გუშინ, სოხუმში მომხდარი აფეთქების კომენტირებისას.

მისივე თქმით, ამგვარ აფეთქებები აფხაზეთისათვის “კარგად არის ნაცნობი, ის საქართველოს სპეცსამსახურების მოღვაწეობის შედეგია და სხვა არაფერი”. 

“დარწმუნებული ვარ, რომ ტერორისტული აქტები აფხაზეთის ფარგლებს გარეთ იგეგმება. ჩვენ, ტერაქტების მოწყობის შიდა მიზეზები უბრალოდ,  არ გაგვაჩნია”, -დასძინა სეპარატისტული აფხაზეთის ე.წ. საგარეო საქმეთა მინისტრმა.

რუსეთის სახელმწიფო სათათბიროს ყოფილ დეპუტატს, ჩეჩნურ ბატალიონ “ვოსტოკის” ერთ-ერთ ლიდერს, “რუსეთის გმირს” რუსლან იამადაევს დღეს დაკრძალავენ.

სააგენტო “რია ნოვოსტის” ცნობით, იამადაევს სავარაუდოდ, გუდერმესის სასაფლაოზე დაკრძალავენ, სადაც მისი ძმა, 2003 წლის ტერა ქტის დროს გარდაცვლილი ასევე “რუსეთის გმირი” ჯაბრაილ იამადაევი განისვენებს.

აეროპორტ “გროზნოს” ხელმძღვანელობის ინფორმაციით, რუსლან იამადაევის ცხედარს სპეცრეისით დღეს დილით ჩაასვენებენ, თუმცა აეროპორტის ერთ-ერთი თანამშრომლის მტკიცებით, იამადაევის ცხედარი ჩეჩნეთში წუხელ ჩაასვენეს.

რუსლან იამადაევი 24 სექტემბერს მოსკოვში მოკლეს. ავტომობილი “მერსედეს–შ600”, რომელსაც იამადაევი მართავდა, ბრონირებული იყო, თუმცა მკვლელმა სუსტი წერტილის პოვნა მოახერხა და იამადაევს დაახლოებით 20 ტყვია მძღოლის ადგილის გვერდითა მინის მხრიდან დაახალა, მათგან ათი მიზანს მოხვდა. ავტომობილი, რომელსაც იამადაევი მართავდა, მას საკუთარმა ძმამ - სულინმა ცოტა ხნის წინ აჩუქა. 

მძიმედაა დაჭრილი იამადაევთან ერთად მანქანაში მყოფი ჩეჩნეთის ყოფილი სამხედრო კომენდანტი სერგეი კიზუნიც, რომელიც ამ დროისთვის საავადმყოფოშია გადაყვანილი და ექიმების განცხადებით, მისი მდგომარეობა შედარებით გამუჯობესდა.

როგორც ცნობილია, სწორედ იამადაევი იყო იმ წამყვანი ჩეჩნური სპეცრაზმის ერთ-ერთი ლიდერი, რომელმაც ქართულ ჯარს ცხინვალის რეგიონში რეალური წინააღმდეგობა გაუწია.

დღეს კინოს სახლში ახალგაზრდა რეჟისორის ზაზა სვანიძის კლიპის “ხელები შორს” პრეზენტაცია გაიმართება. 

კლიპი რუსული აგრესიის წინააღმდეგ არის მიმართული. მასში გამოყენებულია ომის ამსახველი ყველა ის საარქივო ფოტო- და კინო მასალა, რომელიც რუსეთის დამპყრობლურ და აგრესიულ ქმედებებს ასახავს. 

“ამ კლიპით კიდევ ერთხელ გვინდა ჩვენი პროტესტის გამოცხადება რუსული აგრესიის და ოკუპაციის წინააღმდეგ. კლიპზე მუშაობის დროს მოვიძიეთ და გამოვიყენეთ ყველა ის მასალა, რომელიც ასახავს, როგორ იბრძოდნენ ისინი ჩვენი დამოუკიდებლობისა და თავისუფლების წინააღმდეგ გასული საუკუნის დასაწყისიდან დღემდე”, - განაცხადა “პირველთან” საუბარში ზაზა სვანიძემ. 

კლიპის “ხელები შორს” მუსიკის ავტორი და შემსრულებელი დავით მჭედლიშვილია, იდეის ავტორი და რეჟისორი - ზაზა სვანიძე. 

კლიპის ჩვენება კინოს სახლში დღეს, 17:00 საათზე გაიმართება.