სარკოზიმ მიღწეული შეთანხმება შეაფასა, როგორც ევროპული დიპლომატიის გამარჯვება და განაცხადა, რომ თუ შეთანხმება შესრულდება, უამრავი ადამიანის სიკვდილს და ტანჯვას ავიცილებთ თავიდან. ერთობლივ კონფერენციაზე სარკოზის და მედვედევის ღიმილი ფარავდა იმ დაძაბულ ატმოსფეროს, რაც უთუოდ სუფევდა დახურულ კარს მიღმა მოლაპარაკებებისას.

- ”იყო ძალიან მძიმე და დაძაბული მომენტები”,- განაცხადა სარკოზის აპარატის წარმომადგენელმა ჟურნალისტებთან პრესკონფერენციის შემდეგ.

შეთანხმება იმ ექვსპუნქტიანი სამშვიდობო გეგმის გაგრძელება იყო, რომელიც სხვადასხვაგვარად იქნა გაგებული ერთის მხრივ, რუსეთის და მეორეს მხრივ, საქართველოსა და დასავლეთის მიერ და რომელიც, დასავლეთის შეფასებით, რუსეთმა ნაწილობრივ შეასრულა.

ორშაბათის მოლაპარაკებებისას, რაღაც მომენტში, როცა მედვედევი გასული იყო ოთახიდან, რუსული დიპლომატიის ლიდერმა ლავროვმა და სხვა ოფიციალურმა პირებმა სცადეს დოკუმენტიდან ამოეღოთ ფრაზების ნაწილი, რომლის მიხედვითაც მოსკოვს ევალება გაიყვანოს სამხედროები კონფლიქტამდე არსებულ პოზიციებამდე.

- ”იმ მომენტში სარკოზი ადგა და თქვა: ”ჩვენ მივდივართ, ეს სავაჭრო საგანი არ არის,” - ყვება ფრანგული მხარის წარმომადგენელი. მაშინ რუსეთის მხარემ სასწრაფოდ მოძებნა მედვედევი და მისი შემოსვლის შემდეგ დაძაბულობა ცოტა განელდა”,- განაგრძობს თხრობას ფრანგული მხარე.

- ”მან განაცხადა: ”მოდით, დავ ... წაიკითხეთ სრულად »

დეპუტატ ჯონდო ბაღათურიას პოზიციამ ცოტნე გამსახურდიასთან დაკავშირებით საპარლამენტო უმრავლესობაში გაკვირვება გამოიწვია.

მისი თქმით, პირადულად შეიძლება "ვიღაცას რაღაცა მიეთვალოს", მაგრამ სახელმწიფოს ამის უფლება არ აქვს.

როგორც გაბაშვილმა დღევანდელ სხდომაზე განაცხადა, უხეში ძალის გამოყენებით შეიძლება, დაატერორონ მოსახლეობა, ააფეთქონ ხიდები, დაიპყრონ გზები, გახსნან უკანონო საგუშაგოები, მაგრამ გრძელვადიანი სტარტეგიული თავლსაზრისით, ეს მაინც მარცხი იქნება.

მისივე თქმით, დღეს აღარ არის ის მსოფლიო, როდესაც აგრესიულ ქვეყანას მეორე ქვეყნის დაპყრობა შეუძლია, დღეს აღარ არის ის დრო, რომ რუსეთმა საქართველოს რუკის შეცვლა შეძლოს.

ასეთ დასკვნას აკეთებს პოლიტოლოგი აშშ-ის თავდაცვის მდივნის რობერტ გეიტსის განცხადების კომენტირებისას იმის შესახებ, რომ ”აშშ-ის ადმინისტრაცია რუსეთთან მიმართებაში ცალმხრივ მოქმედებას, მათ შორის ეკონომიკურ სანქციებს არაფექტურად მიიჩნევს”.

- ”მსგავსი განცხადებები აშშ-ში ადრეც გაკეთებულა, რაც იმის მანიშნებელია, რომ რუსეთის წინააღმდეგ სანქციების დაწესება აშშ-ის მთავარი მიზანი არ არის”.

- ”ვფიქრობ, ნათელია, რომ აშშ-ის მხრიდან რუსეთის წინააღმდეგ ზეწოლის შესუსტებას უნდა ველოდოთ. დასავლეთის დამოკიდებულება რუსეთის მიმართ ცალსახაა, თუმცა სანქციებზე ორიენტაცია აღებული არ იქნება და გამოსავლის ძიებას სხვა გზებით შეეცდებიან”, - განუცხადა ”პირველს” საყვარელიძემ.

შეგახსნებთ, რომ რობერტ გეიტსის განცხადებით, ”აშშ-ის ადმინისტრაცია რუსეთთან მიმართებაში ცალმხრივ მოქმედებებს, მათ შორის ეკონომიკურ სანქციებს არაეფექტურად მიიჩნევს”.

როგორც გეიტსმა გაზეთ ”ნიუ იორკ თაიმსისთვის” მიცემულ ინტერვიუში განაცხადა, ”ჯორჯ ბუშის ადმინისტრაციაში მიაღწიეს შეთანხმებას ხანგრძლივი სტრატეგიული მიდგომის შესახებ, რომლის თანახმად, აუცილებელია ძალიან მჭიდრო თანამშრომლობა ევროპასთან და დასავლეთს აქვს დრო, კარგად მოიფიქროს საპასუხო ქმედებები, აშშ-ის მხრიდან ნაჩქარევი ცალმხრივი გადაწყვეტილებები კი რუსეთის მიმართ სანქციების დაწესებასთან დაკავშირებით შესაძლოა, თავად აშშ-სთვის იზოლაციით დასრულდეს”.

ამის შესახებ აშშ-ის თავდაცვის მინისტრმა რობერტ გეიტსმა გაზეთ ”ნიუ იორკ თაიმსისთვის” მიცემულ ინტერვიუში განაცხადა.

მისი თქმით, ”ჯორჯ ბუშის ადმინისტრაციაში მიაღწიეს შეთანხმებას ხანგრძლივი სტრატეგიული მიდგომის შესახებ”.

- ”ჩვენ შევთანხმდით იმაზე, რომ აუცილებელია ძალიან მჭიდრო თანამშრომლობა ევროპელებთან. მე ვფიქრობ, რომ ჩვენ გვაქვს დრო, კარგად მოვიფიქროთ საპასუხო ქმედებები და რომ არ უნდა მივიღოთ ნაჩქარევი გადაწყვეტილებები რუსეთის მიმართ სანქციების დაწესებასთან დაკავშირებით. თუ აშშ ამ საკითხთან მიმართებაში ფრთხილი არ იქნება, შეიძლება, თავად აღმოჩნდეს იზოლაციაში” - განაცხადა გეიტსმა.

მანვე დასძინა, რომ ”ადმინისტრაციაში არსებობს საერთო აზრი საქართველოს ტერიტორიული მთლიანობის მხარდაჭერის აუცილებლობის შესახებ”.

დღეს სხვა პრობლემებმა იჩინა თავი. ეპიდემიის საშიშროება რეალურად არსებობს. მოსახლეობა ჰიგიენურ კრიზისზე საუბრობს. არც საპონი, არც შამპუნი, არც საჭმელი, არც ცხელი წყალი... მოკლედ ”კარვების ქალაქი” ხელისუფლებას მხოლოდ საძილე კარავი ჰგონია. ის ხალხი, ვინც ტყვია-წამალს გადაურჩა, ეპიდემიის გავრცელების შემთხვევაში მასიური დაავადებებს ელის.

”კარვების ქალაქში” ცენტრალურ შესასვლელთან პოლონელ მედიკოსებს ცალკე კარავი გაუშლიათ. სხვადასხვა სპეციალობის სამი ექიმი მოსახლეობას უფასო სამედიცინო გამოკვლევებს უტარებს. მათ შორის ერთი ქართველი ექიმი ვნახეთ. გვარსახელი არ გვითხრა, რადგან ჟურნალისტებისთვის ოფიციალური ინტერვიუს მიცემა ნებადართული არ აქვთ, თუმცა გარკვეულ პრობლემებზე გვესაუბრა.

- ”ძალიან ბევრი კუჭ-ნაწლავის დაავადებებს უჩივის. განსაკუთრებით ეს ბავშვებში ვლინდება. არ არის გამორიცხული, ეს საკვებითაც იყოს გამოწვეული ან კიდევ წყლით, თუმცა მიგვაჩნია, რომ ალბათ დარღვეული კვების რეჟიმის ბრალია. ბევრი გაციებული ადამიანი გვაკითხავს. ღამით არის სიცივე და შესაბამისად მისგან ორგანიზმის გადაციების რეალური საფრთხე არსებობს”, - გვითხრა ექიმმა.

ჩვენ მოსახლეობასაც გავესაუბრეთ. როგ ... წაიკითხეთ სრულად »

ოსმა კრიმინალებმა გუშინ კარალეთთან გატაცებული პოლონეთის ცენტრალური ტელევიზიის გადამღები ჯგუფი ... წაიკითხეთ სრულად »

საქართველოს პირველი პრეზიდენტის შუათანა ვაჟი ცოტნე გამსახურდია პროტესტის ნიშნად მეოთხე ... წაიკითხეთ სრულად »

რუსეთის შეირაღებული ძალების გენერალური შტაბის მტკიცებით, საზენიტო-სარაკეტო კომპლექსი “Бук”-ი ქართულ მხარეს უკრაინისგან ე.წ. სამხრეთ ოსეთში კონფლიქტის დაწყების წინ გადაეცა.

როგორც რუსეთის შეიარაღებული ძალების გენშტაბის ხელმძღვანელის მოადგილემ ანატოლი ნოგოვიცინმა “როსიისკაია გაზეტასთან” ინტერვიუში განაცხადა, “კომპლექსი საქართველოს ტერიტორიაზე აგრესიის დაწყებამდე ცოტა ხნით ადრე მოხვდა”. 

“ჩვენი მონაცემებით, საზენიტო-სარაკეტო კომპლექსი საქართველოს ტერიტორიაზე უშუალოდ ცხინვალზე შეტევის დაწყების წინ მოხვდა”, - განაცხადა ნოგოვიცინმა.

ჟურნალისტის კითხვაზე, მონაწილეობდნენ თუ არა შეიარაღებულ კონფლიქტში უკრაინელები, ნოგოვიცინმა განაცხადა, რომ “მონაწილეობის დამადასტურებელი ფაქტები დამატებით გადამოწმებას საჭიროებს”.

საქართველოსა და უკრაინის მეგობრობას ხელს ვერაფერი შეუშლის და ეს მეგობრობა მომავლშიც გაგრძელდება.

ამის შესახებ უკრაინის რადას ფრაქცია "ნაშა უკრაინას" დელეგაციის წევრებმა თბილისში ქართველ დეპუტატებთან გამართულ შეხვედრაზე განაცხადეს.

შეხვედრის დაწყებისას პარლამენტის ვიცე-სპიკერმა მიხეილ მაჭავარიანმა უკრაინელ სტუმრებს მადლობა გადაუხადა, რომ მიუხედავად მათ ქვეყანაში არსებული რთული ვითარებისა, მაინც ჩამოვიდნენ საქართველოს მხარდასაჭერად.

მაჭავარიანმა მნიშვნელოვანი უწოდა უკრაინის თანადგომას რუსეთიდან მომდინარე საერთო საფრთხეებთან დაკავშირებით.

სტუმრებმაც ხაზი გაუსვეს თანადგომის მნიშვნელობას. მათი თქმით, მხარდაჭერას საქართველოსგანაც გრძნობენ და ქართველებს ამისთვის მადლობას უხდიან.

ფრაქცია "ნაშა უკრაინას" დელეგაცია ფრაქციის თავმჯდომარე ვიაჩესლავ კირილენკოს ხელმძღვანელობით საქართველოში დღეს ჩამოვიდა.
დღესვე იგეგმება ვიაჩესლავ კირილენკოს გამოსვლა საქართველოს პარლამენტის პლენარულ სხდომაზე. იგი ქართველ პარლამენტარებს, სავარაუდოდ, უკრაინულად მიმართავს.

ამის შესახებ პრეზიდენტმა სააკაშვილმა წუხელ ფრანგ კოლეგასთან ნიკოლა სარკოზისთან მოლაპარაკებების შემდეგ გამართულ ერთობლივ პრესკონფერენციაზე განაცხადა.

მისი თქმით, მაღალი რანგის კონფერენცია ომის შემდეგ საქართველოს აღდგენას მიეძღვნება და მას რამდენიმე დასავლელი ლიდერი დაესწრება.

კონფერენციის შესახებ კომენტარი უშიშროების საბჭოს მდივანმა ალექსანდრე ლომაიამაც გააკეთა და აღნიშნა, რომ “ეს უფრო პოლიტიკური ხასიათის ფორუმი იქნება სახელწოდებით ”საქართველოს მეგობართა სამიტი”. 

მისივე თქმით, ცალკე იგეგმება ევროკავშირის კონფერენცია, რომელიც სავარაუდოდ, ბრიუსელში გაიმართება და საქართველოსთვის ეკონომიკური დახმარების გაწევის მიზნით სახსრების შეგროვებას მიეძღვნება.

მიუხედავად ამერიკის შეერთებული შტატების ადმინისტრაციის კატეგორიული გაფრთხილებისა, რატომ გაყო თავი რუსეთის მიერ დაგებულ ხაფანგში საქართველოს ხელისუფლებამ, მითუმეტეს, თუ მას ჰქონდა ინფორმაცია, რომ სწორედ რუსეთთან ფართომასშტაბიანი ომი იყო მოსალოდნელი?
- იმ დროისთვის საქართველოს წინაშე ორი არჩევანი იდგა - ქვეყანა აგრესორისთვის ან უბრძოლველად უნდა ჩაგვებარებინა და 1921 წლის სცენარი განმეორებულიყო, ან წინააღმდეგობა იმ ძალებითა და შესაძლებლობებით გაგვეწია, რაც გაგვაჩნდა. შექმნილი მდგომარეობიდან გამომდინარე, საქართველოს ხელისუფლებამ გადაწყვეტილება მიიღო, რომ საკუთარი ქვეყანა, მასზე მრავალჯერ აღმატებული მტრისგან დაეცვა.

შემიძლია გითხრათ, დასავლელი კოლეგების მონაცემებით, რომლებიც ჩვენს მონაცემებსაც ემთხვევა, საქართველოს წინააღმდეგ, რუსეთის არმიის ბრძოლისუნარიანი ნაწილის, დაახლოებით, 30% იყო ამოქმედებული. რაც, საერთო ჯამში, 80 ათასი ჯარისკაცია, რომლებიც საქართველოში არა ერთდროულად, არამედ როტაციის პრინციპით იყვნენ განლაგებულნი.

ჩვენმა რეგულარულმა არმიამ, ხელისუფლების გადაწყვეტილებთ, რუსულ აგრესიას წინააღმდეგობა მაქსიმალურად გაუწია. ეს იყო ჩვენი პოლიტიკური არჩევანი. ს ... წაიკითხეთ სრულად »

საქართველოს ხელისუფლება საერთაშორისო სასამართლოსაგან ითხოვს, საერთაშორისო სამართლის საფუძველზე მოსკოვი აიძულოს, შეწყვიტოს ქართველთა გენოციდი და დიკრიმინაცია და აღიაროს რუსეთის მიერ გამხორცილებული ეთნოწმენდა.

- ”პირველი სხდომა პოზიტიურად მიმდინარეობს. ქართუმა მხარემ თავისი არგუმენტები უკვე წარმოადგინა. ახალ სასამართლო რუსეთის მხარის წარმომადგენლის საპირისპირო არგუმენტებს უსმენს” - გვაცნობა ჰოლანდიიდან ქართული დიასპორის ხელმძღვანელმა მარეხ ტოგონიძემ.

მისი თქმით, რუსეთის მხარე არ ეთანხმება ამ არგუმენტებს და იმედოვნებს, რომ ჰააგის სასამართლო ვერ შეძლებს საქართველოს მოთხოვნები დააკმაყოფილოს.

- ”ხვალ მოსმენა ისევ საქართველოს წარმომადგენლის გამოსვლით დაიწყება, შემდეგ ტრიბუნაზე ისევ რუსეთის მხარე წარსდგება და ასე გაგრძელდება სამივე დღის სხდომაზე. ამით შესაძლოა, ჰააგის სასამართლომ საბოლოო ვერდიქტი მართლაც ვერ გამოიტანოს და ამას უფრო დიდი დრო დასჭირდეს. მაგრამ ჩვენ ვიმედოვნებთ, რომ სამდღიანი სხდომის შედეგად იმას მაინც მივაღწევთ, რომ სასამართლომ აიძულოს მოსკოვი დაუყონებლივ შეწყვიტოს საქართველოში ეთნიკური წმენდა და საშუალება მიეცეთ ლტოლვილებს დაბრუნდნენ საკუთარ ადგილებში”-განაცხადა მარეხ ტოგონიძემ. ... წაიკითხეთ სრულად »

საქართველოს პრეზიდენტმა მიხეილ სააკაშვილმა პარლამენტის შუალედური არჩევნები დანიშნა. საქართველოს პრეზიდენტის მიხეილ სააკაშვილის გადაწყვეტილებით, აჭარის ავტონომიური რესპუბლიკის უმაღლესი საბჭოსა და N2 ვაკისა და N8 დიდუბის საარჩევნო ოლქებშიპარლამენტის შუალედური არჩევნები მიმდინარე წლის 3 ნოემბერს გაიმართება.

როგორც ცნობილია, საქართველოს კანონმდებლობის შესაბამისად,აჭარისა და შუალედრი არჩევნები 2008 წლის 4 ოქტომბრისთვის უნდა გამართულიყო, თუმცა საქართველოში საომარი სიტუაციის გამო, ამ პროცემა ერთი თვით გადაიწია. აჭარაში სრულიად ახალი დეპუტატები უნდა აირჩიონ, ხოლო ვაკისა და დიდუბის საარჩევნო ოლქებში დავით გამყრელიძისა და დავით საგანელიძის ადგილმონაცვლეები გამოვლინდება.

როგორც მოსალოდნელი იყო პარლამენტზე შემომწყრალი პარტიებიარც ამჯერად გატეხენ ფიცს და არჩევნებეში მონაწილეობას არ მიიღებენ. ამ განაცხადების გაკეთებას ლეიბორისტებს აბა ვინ დაასწრებდა.

მათმა ყოჩმა შალვა ნათელაშვილმა განცხადება დილაადრიან გააკეთა და აღნიშნა, რომ ვიდრე ქვეყანას პრეზიდენტად მიხეილ სააკაშვილი ეყოლება, საქართველოს თავისუფალი არჩევნები “ვერ ეღირსება”.

- “ჩვენ არანაირ არჩევნებში მონაწილეობას აღარ ვაპირებთ, ვიდრე საქართველოს ეს ხელისუფლება და პრეზიდენტი ეყოლება”, - ბეჭდით დაამოწმა ლეიბორისტების ლიდერმა.

ლეიბორისტების მსგავსად მძიმე გზას დაადგა რესპუბლიკური პარტიაც. ისინი მიიჩნევენ ... წაიკითხეთ სრულად »

შარშანდელი გამოცდილების გათვალისწინებით, როცა გლეხებს ყურძენი ვაზებზე გაუფუჭდათ, ზოგმა კი დაბალი ფასების გამო ვენახებიც კი აჩეხა, წლეულს ამ მეტად “მტკივნეულ” საკითხზე მთავრობის განწყობა ასეთია: “უნდა გადავარჩინოთ ვენახი, გლეხი, სოფლის მეურნეობა და მთლიანად ქვეყანა.”

სოფლის მეურნეობის მინისრტი ბაკურ კვეზერელი წლეულს ყურძნის დიდ მოსავალს ელოდება და როგორც აცხადებს, ერთი მტევანიც არ უნდა გაფუჭდეს. მისივე თქმით, ამ დროისათვის “რთველი 2008”-ის მიმდინარეობასთან დაკავშირებული ყველა ტექნიკური საკითხი მოგვარებულია.

ხვალიდან ოფიციალურად დაიწყებს მუშაობას სპეციალური შტაბი, რომელიც გლეხებს ყველა ტექნიკური საკითხის მოგვარებაში დაეხმარებათ. შტაბი გურჯაანში, სასტუმრო “რები-გურჯაანში” განთავსდა და მას სოფლის მეურნეობის მინისტრი თავად უხელმძღვანელებს.

პრემიერ-მინისტრმა ვლადიმერ გურგენიძემ სოფლის მეურნეობის მინისტრს ბაკურ კვეზერელს სთხოვა, ორი კვირის განმავლობაში რთველის მიმდინარეობასთან დაკავშირებული ყველა საჭირო ინფორმაცია ინტენსიურად მიაწოდოს და აღნიშნა, რომ აუცილებელია რთველმა წელს წარმატებით და ორგანიზებულად ჩაიაროსო.

ორი დღის წინათ კახეთში ვიზიტის დროს პრეზიდენტი მიხეილ სააკაშვილი გლეხებს დაჰპირდა, რომ შარშანდელისაგან განსხვავებით წლეულს სახელმწიფო პირდაპირ განახორციელებს მევენახეობის სუბსიდირებას და ცენტრალური ბიუჯეტიდან 8,5 მილიონი ლარი გამოიყოფა, თუმცა, აქვე დასძინა, რომ “სახელმწიფო ფასებს ვეღარ დაარეგუ ... წაიკითხეთ სრულად »