საქართველოში რუსული ინტერნეტსაიტები კვლავ ამუშავდა
18:01
საქართველოში რუსული ინტერნეტსაიტები კვლავ ამუშავდა. როგორც ცნობილია, საქართველოს ხელისუფლებამ დომეინზე "რუ" დაბოლოებული საიტები საომარი მოქმედებების პირველ დღეებში დაბლოკა და განმარტა, რომ ეს რუსეთთან საინფორმაციო ბრძოლის ერთ-ერთი საშუალება იყო. ამ დღეების განმავლობაში ინტერნეტ-მომხმარებლები რუსულ საიტებზე შესვლას მხოლოდ "პროქსი სერვერის" საშუალებით ახერხებდნენ. ამასთან, ჯერ კიდევ დაბლოკილია იმ რუსული ტელეარხების ტრანსლაცია, რომლებიც საქართველოს ხელისუფლების ბრძანებით, 8 აგვისტოს გაითიშნენ.
