პრეზიდენტმა სიტყვით გამოსვლისას აღნიშნა, რომ დღეს, მთელი საქართველო ერთ ჯაჭვად შეიკრა და რუსეთის აგრესიის წინააღმდეგ ქუჩაში მილიონზე მეტი ადამიანი გამოვიდა. მისი თქმით, "ქართველი ხალხი არასდროს შეეგუება დამპყრობელს" და "საქართველო არასდროს დაკეცავს ხუთჯვრიან დროშას".

"არცერთ ქვეყანაში, არასდროს, ამდენი ხალხი ქუჩაში არ გამოსულა. დღეს ჩვენ ვამაგრებთ თავისუფლების წინა ხაზზს. ქართველებმა შეკრეს ერთიანი მძლავრი ჯაჭვი. აქ შეიკრა ურღვევი ჯაჭვის პერანგი საქართველოსთვის, თავისუფლებისთვის და მთელი მსოფლიოსთვის.

საქართველომ გაუძლო ყველაზე სასტიკი დამპყრობლების შემოსევებს და დღეს, როცა საქართველოს 21-ე საუკუნის ურდო მოადგა, ჩვენ გავაგრძელებთ ამ ბრძოლას", _ განაცხადა საქართველოს პრეზიდენტმა.

სამიტის 10-პუნქტიან რეზოლუციაში აღნიშნულია, რომ ევროკავშირი სინანულს გამოთქვამს საქართველოს ტერიტორიაზე მიმდინარე ღია კონფლიქტთან დაკავშირებით.

"საომარი მოქმედება არ წარმოადგენს პრობლემის გადაჭრის გზას და ასეთი ქმედება ევროკავშირისთვის მიუღებელია", - აღნიშნულია რეზოლუციაში.

ევროკავშირი ასევე გმობს რუსეთის ცალმხრივი მოქმედებას აფხაზეთისა და სამხრეთ ოსეთის დამოუკიდებლობის ცნობასთან დაკავშირებით.

სამიტის მონაწილეები მსოფლიოს ყველა ქვეყანას მოუწოდებენ პატივი სცენ საქართველოს ტერიტორიულ მთლიანობას და არ აღიარონ სეპარატისტული რეგიონების დამოუკიდებლობა.

რეზოლუციაში საუბარია მხარეების მიერ "ექვსპუნქტიანი შეთანხმების" შესრულების აუცილებლობაზე და შეიარაღებული ძალების გაყვანაზე კონფლიქტის დაწყებამდე არსებულ ზონებში.

ევროკავშირი ხაზგასმით აღნიშნავს, "ექვსპუნქტიანი შეთანხმების" მეექვსე პუნქტთან დაკავშირებით (აფხაზეთისა და სამხრეთ ოსეთის უსაფრთხოების საერთაშორისო მექანიზმები) საერთაშორისო კონსულტაციების ჩატარების აუცილებლობაზე.

რეზოლუციის თანახმად, ევროკავშირი საქართველოში კრიზისთან დაკავშირებით ნიშნავს საგანგებო წარმომადგენელს და 15 სექტემბრამდე რეგიონში ფაქტების დამდგენ მისიას მოავლენს.

ევროკავშირ ადასტურებს რუსეთთან ურთიერთობისა და თანამშრომლობისთვის მზადყოფნას და შეახსენებს მას, რომ რუსეთმა არ უნდა დაარღვიო ... წაიკითხეთ სრულად »

ახლა საქართველო რუსეთისთვის ეკონომიკური სანქციების დაწესებას მსოფლიო საზოგადოებას სთხოვს. თბილისმა ასეთი მოთხოვნა მას შემდეგ წამოაყენა, რაც რუსეთმა აფხაზეთისა და ცხინავალის დამოუკიდებლობა აღიარა. თუმცა, დასავლეთი მზად არის სიტყვიერად დაგმოს მოსკოვის მხრიდან საქართველოს ტერიტორიული მთლიანობის ხელყოფა, მაგრამ მკვეთრი ნაბიჯების გადადგმას როგორც ჩანს, არ ჩქარობს (თუ საერთოდ აპირებს). დიდი ბრიტანეთის საგარეო საქმეთა მინისტრმა უკრაინაში ვიზიტის დროს განაცხადა: იზოლაცია არ გამოდგება, რუსეთი საკმაოდ მნიშვნელოვან როლს თამაშობს მსოფლიო ეკონომიკაშიო. ჯერ კიდევ რამდენიმე დღის უკან საფრანგეთის საგარეო საქმეთა მინისტრი ბერნარ კუშნერი რუსეთის წინააღმდეგ სანქციებზე საუბრობდა. ორშაბათს სწორედ ამაზე უნდა ემსჯელა ევროკავშირს. თუმცა, მოგვიანებით სამინისტრომ დააზუსტა, რომ პირადად საფრანგეთი არ იქნება სანქციების დაწესების ინიციატორი. რუსეთის საგარეო საქმეთა მინისტრი სერგეი ლავროვი კი თავის მხრივ დარწმუნებულია რომ სანქციებზე საუბარი არ იქნება: ამ თემაზე საუაბრიც კი არ გამიგი ... წაიკითხეთ სრულად »

მთლიანობაში საქართველოს ტერიტორიაზე განთავსებულია 970 რუსი სამხედრო მოსამსახურე, 66 ჯავშანმანქანა, 7 ქვეითთა საბრძოლო მანქანა, 2 ყუმბარმტყორცნი და სხვა სამხედრო აღჭურვილობები, მათ შორის სატვირთო მანქანები და კარვები.

"თითოეული ადგილმდებარეობა და რიცხობრივი რაოდენობა გადამოწმებულია ორჯერ,"- განაცხადა შსს-მ და ასევე არ გამორიცხა, რომ მის ხელთ არსებულ მონაცემებზე მეტი რაოდენობა იყოს წარმოდგენილი როგორც პირადი შემადგენლობის, ისე სამხედრო ტექნიკის კუთხით.

აღმოსავლეთ საქართველო

შსს-ის ინფორმაციით, აღმოსავლეთ საქართველოში, მათ შორის შიდა ქართლში, სამხრეთ ოსეთის მიმდებარე ტერიტორიებზე და თავად ცხინვალის რეგიონში 27 აგვისტოს მდგომარეობით რუსული ბლოკსაგუშაგოები შემდეგ ტერიტორიებზეა განთავსებული:
1. პერევი (საჩხერის რაიონი);
2. გოდორა (საჩხერის რაიონი);
3. მუგუთი (ზნაურის რაიონი);
4. ალი (ხაშურის რაიონი);
5. ფცა (ქარელის რაიონი);
6. ვარიანი (გორის რაიონი);
7. კარალეთი (გორის რაიონი);
8. შავშები (გორის რაიონი);
9. ერგნეთი (გორის რაიონი);
10. წიარა (ჯავის რაიონი).
თითოეულ ამ საგუშაგოზე დაახლოებით 60 რუსი სამხედრო და 4 ჯავშანმანქანაა მობილიზებული. ხდება ჯავშანმანქანებით გადაადგილება მიმდებარე ტერიტორიების და სოფლების "პატრულირების" მიზნით.
11. იკოთი (ახალგორის რაიონი) - სამხედრო აღჭურვილობა, მათ შორის მძიმე ტექნიკა, 2 ყუმბარმტყორცნი და 100 რუსი ჯარისკაცი, გათ ... წაიკითხეთ სრულად »

ამერიკული ხომალდის "დალასის" მეზღვაურებს სევასტოპოლში ნაპირზე გადასვლის საშუალებას არ აძლევენ. "პრორუსულად განწყობილი რამდენიმე ათეული აქტივისტი უკრაინის ქალაქ სევასტოპოლის საზღვაო სავაჭრო პორტის პიკეტირებას ახორციელებს" – იუწყება newsru.com. ამჟამად ამერიკული გემის წარმომადგენლებს და უკრაინული ქალაქის ადმინისტრაციას შორის მიმდინარეობს მოლაპარაკებები, რათა გემთან მიყვანილი ავტობუსებით ამერიკელები ქალაქის დასათვალიერებლად გადაიყვანონ. როგორც ცნობილია, "დალასი", რომელმაც საქართველოში ჰუმანიტარული დახმარება შემოიტანა, დღეს სევასტოპოლის პორტში, უკრაინული მხარის მიწვევით შევიდა.

ევროკავშირის კომისიის პრეზიდენტმა ხოსე მანუელ ბაროსომ და საფრანგეთის პრეზიდენტმა ნიკოლა სარკოზიმ ბრიუსელში საგანგებო სამიტზე იქნა მიღებული გადაწყვეტილება დაამტკიცეს, რომელიც რუსეტის ნაბიჯს გმობს აფხაზეთისა და ოსეთის აღიარებასთან დაკავშირებით.
რუსეთი კი აფრთხილებს ყველას, რომ საქართველოს შემდგომი მხარდაჭერა ”ისტორიული” შეცდომა იქნება.
რუსეთის საგარეო საქმეთა მინისტრმა, სერგეი ლავროვმა მოუწოდა, დაწესდეს ემბარგო საქართველოში იარაღის შეტანასთან დაკავშირებით მანამ, სანამ ახალი მთავრობა არ მოვა ქვეყნის ხელისუფლებაში.
ევროკავშირის საგარეო უწყების ხელმძღვანელმა, ჰავიერ სოლანამ განაცხადა, რომ მზად არიან საქართველოში გაგზავნონ 100 სამოქალაქო დამკვირვებელი, რომელიც გააკონტროლებს, რამდენად ასრულებს რუსეთი ცეცხლის შეწყვეტის შეთანხმებას.
სერიოზულად შეშფოთებული
ბრიუსელში შეკრებილი 27 ქვეყნის ლიდერს შორის მკვეთრი უთანხმოება წარმოიშვა იმასთან დაკავშირებით, თუ როგორ ეპასუხათ რუსეთის ქმედებებზე.
”ევროკავშირი სერიოზულად შეშფოთებულია საქართველოში გაჩაღებული ღია კონფლიქტის გამო. რომელსაც შედეგად ძალადობა და გადამეტებული რეაქცია მოჰყვა რუსეთის მხრიდან,” - ნათქვამია დადგენილებაში.
”ევროკავშირი ასევე მოწოდებულია, რომ დაინიშნოს ევროკავშირის სპეციალური წარმომადგენელი და მისია, რომელიც დააკვირდება, თუ როგორ ასრულებს რუსეთი შეთანხმებას”.
მართალია, რუსეთის წინააღმდეგ საქნციების დაწესებაზე არ ყოფილა საუბარი, მაგრამ დასკვნაში მითითებულია, რომ რუსეთთან ურთიერთობებმა ” გზაჯვარედინს მიაღწია” და ევროკავშირი აფრთხილებს, რომ  ”ყურადღებას არ მოადუნებს”.
”ჩვენ დარწმუნებულნი ვა ... წაიკითხეთ სრულად »