ხუთშაბათი, 19.09.2019, 17:48
სიახლები საქართველოს შესახებ.
Главная | Регистрация | Вход Приветствую Вас სტუმარი | RSS
Меню сайта
Наш опрос
საქართველო შევა ნატოში?
ნახვა: 345
Главная » 2008 » სექტემბერი » 16
გავლენიანი ამერიკული გამოცემა ”New-York Times”, რომელმაც საქართველოში ბოლო დროს განვითარებულ მოვლენებთან დაკავშირებით აშშ-ის დაზვერვის დეპარტამენტის ექსპერტების მონაწილეობით დამოუკიდებელი გამოძიება ჩაატარა, ქართული მხარის ვერსიას ადასტურებს და ცალსახად აცხადებს, რომ საქართველოს შეიარაღებულ ძალებს თავდაცვითი და არა თავდასხმითი პოზიცია ეკავათ.

გამოძიებით, რომელიც აუდიო- და ვიდეომასალების ანალიზსაც მოიცავდა და რომელშიც გაზეთის თხოვნით აშშ-ის დაზვერვის სახელმწიფო დეპარტამენტის მაღალი რანგის სპეციალისტებიც მონაწილეობდნენ, დადასტურდა, რომ რუსული შეიარაღებული ძალები საქართველოს ტერიტორიაზე ჯერ კიდევ 7 აგვისტოს, გამთენიისას შემოვიდნენ, როდესაც ქართული საჯარისო ნაწილები მუდმივი დისლოკაციის ადგილებზე იმყოფებოდნენ.

შეგახსნებთ, რომ რუსული მხარის მტკიცებით, ”ცხინვალის რეგიონის მოსახლეობის გადასარჩენად ოპერაცია 8 აგვისტოს, მას შემდეგ დაიწყო, რაც ქართულმა მხარემ ცხინვალზე და მის შემოგარენზე მასირებული იერიში მიიტანა და ცხინვალი ფაქტობრივად მიწასთან გაასწორა”.

წაკითხულია: 596 | თარიღი: 16.09.2008 | რეიტინგი: 0.0/0 | კომენტარი (0)

„კვირის პალიტრის“ ორშაბათის ნომერში გამოქვეყნდა ინტერვიუ საქართველოს ყოფილ პრემიერ მინისტრთან. ჟურნალისტმა დასაწყისშივე მიუთითა, რომ ზურაბ ნოღაიდელმა საზოგადოებისათვის გარკვეული ახსნა განმარტებების მიცემა საკუთარი სურვილით გამოთქვა.

 

ყოფილმა პრემიერმა მწვავედ გააკრიტიკა დღევანდელი ხელისუფლება, რამდენიმე მიზეზით, აღნიშნა, რომ შესაძლებელი იყო ომის თავიდან აცილება და, რომ დღევანდელი მთავრობა „არაკომპეტენტური“ და „სამარცხვინოა“.

 

... წაიკითხეთ სრულად »

წაკითხულია: 598 | თარიღი: 16.09.2008 | რეიტინგი: 0.0/0 | კომენტარი (0)

რთველთან დაკავშირებით უკმაყოფილი კახელი გლეხების პირველი ხმაურიანი პროტესტი დღეს გურჯაანის რაიონის სოფელ ველისციხის ღვინის ქარხანაში გამოითქვა.

ყურძნით დატვირთული სატვირთო ავტომანქანებით კილომეტრიან რიგში მდგარ გლეხებს ქარხნის ხელმძღვანელობამ გამოუცხადა, რომ მათგან ყურძენს ვეღარ მიიღებს და ამის მიზეზად კი დასახელდა, რომ საწარმოს მისი გადამუშავება ფიზიკურად აღარ შეუძლია და არც თავისუფალი ჭურჭელი არ აქვს.

სწორედ ამ განცხადებას მოჰყვა კახელების ხმაურიანი პროტესტი, რადგან ძარაზე დაყრილ ყურძენს წვენი გასდის და მალე ფუჭდება.

გლეხების პროტესტის განსამუხტავად ველისციხის ქარხანასთან სამართალდამცველები ოპერატიულად იქნა მობილიზებული.

აღნიშნულ ფაქტთან დაკავშირებით კახეთის გუბერნატორი გიორგი ღვინიაშვილი აცხადებს, რომ მიმდინარეობს ალტერნატიულ ღვინის ქარხნებთან მოლაპარკება და დაკრეფილი ყურძენი დღეს გვიან ღამემდე დაბინავდება.

წაკითხულია: 612 | თარიღი: 16.09.2008 | რეიტინგი: 0.0/0 | კომენტარი (0)

გორის რაიონში ერთი პატარა - 150 კომლიანი სოფელია, რომელსაც კარბი ჰქვია. იმ დროს როდესაც მშომელ ხალხს ღამე მშვიდად ეძინა, რათა მეორე დილით ყანაში სამუშაოდ დასვენებული წასულიყო, სოფლის განაპირად ქართული საარტილერიო ჯარი დადგა და ოსების კონტროლირებად სარაბუკს ცეცხლის წვიმა გაუხსნა. 7 და 8 აგვისტოს მოსახლეობამ ქალები და ბავშვები გამოხიზნა, რადგან აუტანელ გრუხუნს და აფეთქების ხმას ვეღარ უძლებდნენ.

9 აგვისტოს კი რუსულმა ტანკებმა და თვითმფრინავებმა კარბს დაუშინეს. რუსულ დაზერვას შეუტვყია, რომ კარბში საქართველოს ნაქები საარტილერიო ქვედანაყოფი დგას, რომელმაც მართლაც კუდით ქვა ასროლინა სეპარატისტებსა და რუსებს წინა დღით. სწორედ ამიტომ ქართველების საცეცხლე წერტილი რუსებმა მიწასთან გაასწორეს. 9 აგვისტოს სოფელში ხალხი ჯერ ისევ ცხოვრობდა.

რამდენიმე დღის წინ სახალახო დამცველმა კონფლიქტის ზონაში არსებულ ვითარებაზე მოხსენება გააკეთა. რეგიონებში მოსახლეობამ ამ მოხსენების შესახებ მხოლოდ ტელევიზებით - რუსთავი 2-ით და ”იმედით” შეიტყო. თანაც მხოლოდ 30 წამიანი კადრით.

18 საათიანი ”იმედის” საინფორმაციო გამოშვებაში სოზარ სუბარის ასეთი კომენტარი გაეპარათ: ”მოსახლეობა ევაკუაციის დროს აბოლუტურად მოუმზადებელი იყო. არ გატარებულა ევაკუაციისთვის საჭირო ღონისძიებები. სოფლებში არ არსებობდა საწვავიც კი, რომ საკუთარი მანქანებით გამოესწროთ აგრესორებისთვის, ხელისუფლების წარმომადგენლებს ამაზე არც უზრუნიათ, ისინი იქ საერთოდ არ გამოჩენილან”.

მომდევნო საინფორმაციო გამოშვებაში სუბარის ეს კომენტარი აღარ აჩვენეს. სიუჟეტი, კი პირიქით, სადღაც მე-15 გადაიტანეს, მაშინ როცა საზოგადოებისთვის ყველაზე მნიშვნელოვ ... წაიკითხეთ სრულად »

წაკითხულია: 639 | თარიღი: 16.09.2008 | რეიტინგი: 0.0/0 | კომენტარი (0)

ქვეყანამ, რომელმაც ომის ქარცეცხლი გამოიარა, დღეს თავის გადარჩენისთვის იბრძვის. გადარჩენისთვის იმიტომ, რომ როგორც წესი, ომის შემდგომი პეროიდი ყველაზე რთული გადასალახია. ტრანსფორმაციას განიცდის ყველა - დაწყებული სამთავრობო სტრუქტურებიდან, რიგითი მოქალაქეებით დამთავრებული. პოზიციაც და ოპოზიციას დღეს ერთ საკითხზე თანხმდება, რომ საქართველომ, უცხოური თანამეგობრობის დახმარებით, რაც შეიძლება სწრაფად უნდა დააღწიოს არსებულ პრობლემებს თავი, თუმცა ამ მიზნამდე მისაღწევი გზები განსხვავებულია.

ომის შემდგომ მრავალი წელი მის ანალიზს ეთმობა. განიხილება მისი დაწყების მიზეზები, განვითარების შესაძლო ვარიანტები და შედეგები. პირველ ორ საკითხთან დაკავშირებით, პოზიციები უმნიშვნელოდ განსხვავებულია, რასაც ვერ ვიტყვით ომის შედეგების შეფასებისას.

კითხვაზე, წავაგეთ თუ მოვიგეთ აგვისტოს ბრძოლა რუსეთთან, ყველაზე უკეთ ისტორია უპასუხებს, მაგრამ რა ვქნათ რიგითმა მოქალაქეებმა, რომლებსაც გამუდმებით გვიკიჟინებენ, რომ ჩვენ გავიმარჯვეთ? გაგვარკვიეთ ბატონებო, იქნებ ლოგიკურ მსჯელობაში საღი აზრიც გაჩნდეს. იქნებ ერთხელ და სამუდამოდ დასრულდეს პიარზე გათვლილი პროპაგანდა? იქნებ დროა დასრულდეს საუბარი იმაზე, რომ ომის შედეგად დანგრეული ქართული სოფლები, საქართველოს აღმშენებლობისა და გაერთიანების საფუძველი გახდება?

საქართველოს მთავრობა პრეზიდენტის მეთაურობით კი, ჯიუტად აცხადებს, რომ ჩვენი ქვეყანა დღეს გამარჯვებულია და რომ პასუხი ყბადაღებულ კითხვაზე - ”გადარჩება თუ არა საქართველო?” ასეთია - ”ძვირფასო თანამემამულენო, საქართველო გადარჩა”.

ახლა საინტერესოა, უკვე ”გადარჩენილ საქართველოში” როგორი პოლიტიკური პროცესები ... წაიკითხეთ სრულად »

წაკითხულია: 611 | თარიღი: 16.09.2008 | რეიტინგი: 0.0/0 | კომენტარი (0)

არასაპარლამენტო ოპოზიცია გაგებით ეკიდება გაერთიანებული ოპოზიის წევრის, ”საქართველოს გზის” ლიდერის სალომე ზურაბიშვილის გადაწყვეტილებას ნატო-ს ელჩებთან შეხვედრის დემონსტრაციულად დატოვების შესახებ.

”ნატო-ს გენერალური მდივანი აიპ დე ჰოოპ სხეფერი რეალურ ქართულ ოპოზიციას პატივს არ სცემს და ეს დღეს კიდევ ერთხელ დაადასტურა”, - განუცხადა ჟურნალისტებს ”ლეიბორისტული პარტიის” ლიდერმა შალვა ნათელაშვილმა ოპოზიციისა და ნატო-ს ელჩების დღევანდელი შეხვედრის კომენტირებისას, რომელსაც ნატო-ს გენმდივანი არ დასწრებია. 

სალომე ზურაბიშვილის მიერ ამ მიზეზით შეხვედრის დატროვებას გაგებით ეკიდება გაერთიანებული ოპოზიციის ლიდერი ლევან გაჩეჩილაძეც. ”სალომემ კარგი ქნა, თუ შეხვედრა დატოვა. ვთვლი, რომ ყველამ, ვისაც უყვარს ეს ქვეყანა, თავისი ემოციით, თუ ცივი გონებით უნდა იმუშაოს საქართველოს გადასარჩენად”, - განუცხადა ჟურნალისტებს გაჩეჩილაძემ.

წაკითხულია: 631 | თარიღი: 16.09.2008 | რეიტინგი: 1.0/1 | კომენტარი (0)

ეროვნულ-დემოკრატიული პარტიის თავმჯდომარე ბაჩუკი ქარდავა მხარდაჭერას უცხადებს ნატო-ს ელჩების მოწოდებას ოპოზიციასა და ხელისუფლებას შორის დიალოგის დაწყების თაობაზე.

”რაოდენ რთულიც არ უნდა იყოს პოლიტიკურ ძალებს შორის დიალოგის წარმართვა, აუცილებელია, ნებისმიერი საკითხი, რომელიც დაკავშირებული იქნება ქვეყნის სტაბილურ განვითარებასთან და სახელმწიფოებრივ ინტერესთან, წყდებოდეს სწორედ კონსენსუსის გზით პოლიტიკურ მაგიდასთან და არა მის გარეთ, - ამის ვალდებულება აკისრია როგორც ოპოზიციას, ასევე ხელისუფლებასაც” - განაცხადა ქარდავამ დღეს სასტუმრო ”ქორთიარდ მერიოტში” ოპოზიციასა და ნატო-ს ელჩებს შორის შეხვედრის დასრულების შემდეგ.

ქარდავას თქმით, მან შეხვედრაზე ქვეყანაში ძლიერი დემოკრატიული ინსტიტუციების განვითარების აუცილებლობაზე ისაუბრა.

“დემოკრატიის განვითარებისათვის თავისუფალი მედია, თავისუფალი საარჩევნო სისტემა და სასამართლო სისტემის რეფორმირებაა აუცილებელი” – განმარტა მან.

წაკითხულია: 607 | თარიღი: 16.09.2008 | რეიტინგი: 0.0/0 | კომენტარი (0)

თბილისის ივანე ჯავახიშვილის სახელობის სახელმწიფო უნივერსიტეტის რექტორის გია ხუბუას იმედი აქვს, რომ ჩრდილოატლანტიკური ალიანსის წევრების დახმარებით საქართველო ნატო-ში ინტეგრაციას უახლოეს მომავალში შეძლებს. 

“მოხარული ვარ, რომ ნატოს გენერალურ მდივანს თბილისის სახელმწიფო უნივერსიტეტი უკვე მესამედ მასპინძლობს. სხვა შეხვედრებისგან განსხვავებით, იაპ დე ჰოოპ სხეფერის დღევანდელი ვიზიტი უნივერსიტეტში ემოციურ ფონზე მიმდინარეობდა, თუმცა დარწმუნებული ვარ, რომ სწორედ მისი და ალიანსის წევრების დახმარებით საქართველო შექმნილი ვითარებიდან გამოსვლას შეძლებს, რაც ნატოში ინტეგრაციით დასრულდება” – განაცხადა ხუბუამ ნატოს გენერალურ მდივანთან იაპ დე ჰოოპ სხეფერთან შეხვედრის დასრულების შემდეგ.

შეხვედრის დასასრულს რექტორმა უნივერსიტეტის სახელით იაპ დე ჰოოპ სხეფერს სამახსოვროდ ტიხრული მინანქრით შესრულებული თბილისის ხედი გადასცა.

წაკითხულია: 588 | თარიღი: 16.09.2008 | რეიტინგი: 0.0/0 | კომენტარი (0)

”ლეიბორისტული პარტიის” ლიდერმა შალვა ნათელაშვილმა ნატო-ს წევრ ქვეყნებს კოსოვოს დამოუკიდებლობის აღიარების გადაწყვეტილების გადახედვისკენ მოუწოდა.

შესაბამისი განცხადება მან დღეს ოპოზიციისა და ნატო-ს ელჩების შეხვედრაზე გააკეთა.

“რუსეთმა აფხაზეთის და სამხრეთ ოსეთის დამოუკიდებლობის აღიარება კოსოვოს აღიარების პრეცედენტით დაუშვა. სტატუს-კვოს აღსადგენად აუცილებელია, დასავლეთმა და ნატომ უარყონ კოსოვოს დამოუკიდებლობა, რითიც შევძლებთ აფხაზეთის და სამხრეთ ოსეთის საკითხის მოგვარებას”- განმარტა ნათელაშვილმა.

მისივე აზრით, ეს ნაბიჯი მსოფლიოს რუსეთის მიერ ყირიმის დამოუკიდებლობის აღიარებას და მთელს მსოფლიოში დაძაბულობის ესკალაციას ააცილებს თავიდან.

წაკითხულია: 596 | თარიღი: 16.09.2008 | რეიტინგი: 0.0/0 | კომენტარი (0)

გავლენიანი ამერიკული გამოცამა “New-York Times”, რომელმაც საქართველოში ბოლო დროს განვითარებულ მოვლენებთან დაკავშირებით აშშ-ის დაზვერვის დეპარტამენტის ექსპერტების მონაწილეობით დამოუკიდებელი გამოძიება ჩაატარა, ქართული მხარის ვერსიას ადასტურებს და ცალსახად აცხადებს, რომ საქართველოს შეიარაღებულ ძალებს თავდაცვითი და არა თავდასხმითი პოზიცია ეკავათ.

გამოძიებით, რომელიც აუდიო- და ვიდეომასალების ანალიზსაც მოიცავდა და რომელშიც გაზეთის თხოვნით აშშ-ის დაზვერვის სახელმწიფო დეპარტამენტის მაღალი რანგის სპეციალისტებიც მონაწილეობდნენ, დადასტურდა, რომ რუსული შეიარაღებული ძალები საქართველოს ტერიტორიაზე ჯერ კიდევ 7 აგვისტოს, გამთენიისას შემოვიდნენ, როდესაც ქართული საჯარისო ნაწილები მუდმივი დისლოკაციის ადგილებზე იმყოფებოდნენ.

შეგახსნებთ, რომ რუსული მხარის მტკიცებით, ”ცხინვალის რეგიონის მოსახლეობის გადასარჩენად ოპერაცია 8 აგვისტოს, მას შემდეგ დაიწყო, რაც ქართულმა მხარემ ცხინვალზე და მის შემოგარენზე მასირებული იერიში მიიტანა და ცხინვალი ფაქტობრივად მიწასთან გაასწორა”.

წაკითხულია: 559 | თარიღი: 16.09.2008 | რეიტინგი: 0.0/0 | კომენტარი (0)

დღეს საღამოს უმაღლეს საკანონდებლო ორგანოს პრეზიდენტი მიხეილ სააკაშვილი ეწვევა. 

პრეზიდენტი სიტყვით მიმართავს დეპუტატებს, შეაჯამებს საქართველოში ბოლო დროს განვითარებულ მოვლენებს და კიდევ ერთხელ შეაფასებს ჩრდილოატლანტიკური საბჭოს თბილისში გამართულ სხდომას.

პარლამენტის სხდომათა დარბაზში მოსამზადებელი სამუშაოები მიმდინარეობს. 

პარალელურად ამ წუთებში პარლამენტში ბიურის სხდომა იწყება, რომელზეც ოფიციალურად დაინიშნება პარლამენტის რიგგარეშე სხდომა. 

წინასწარი ინფორმაციით, პრეზიდენტი პარლამენტში სიტყვით 20:00 საათისათვის გამოვა

წაკითხულია: 621 | თარიღი: 16.09.2008 | რეიტინგი: 0.0/0 | კომენტარი (0)

საინფორმაციო სააგენტო “პირველი”. 16 სექტემბერი. თბილისი. საქართველოში “წითელას” და “წითურას” საწინააღმდეგო ვაქცინაცია დაიწყო. ამ მიზნით “კავკასიის სოციალური მარკეტინგის ასოციაციის” კონსულტანტთა ჯგუფი ლაგოდეხში იმყოფებოდა. 

ვიზიტი მოსახლეობისთვის იმუნიზაციის პროგრამის გაცნობას ითვალისწინებდა, რომელიც მსოფლიოს ჯამრთელობის ორგანიზაციის და გაეროს ბავშვთა დაცვის ფონდის  დახმარებით ხორციელდება.

“აცრებს  ლაგოდეხიდან ვიწყებთ. ვაქცინაცია უფასო იქნება და 6-დან 27 წლამდე ახალგაზრდებს შეეხებათ. იმუნიზაციას რაიონის საზოგადოებრივი ჯანდაცვის ცენტრი უზრუნველყოფს” - განაცხადა  “კავკასიის სოციალური მარკეტინგის ასოციაციის” კონსულტანტმა ნანა გოდერძიშვილმა.

მისივე თქმით, აღნიშნული აცრებისთვის გაეროს ბავშვთა ფონდიდან მილიონ ლარზე მეტია გამოყოფილი.

წაკითხულია: 621 | თარიღი: 16.09.2008 | რეიტინგი: 0.0/0 | კომენტარი (0)

რუსეთის შეიარაღებული ძალების გენერალურმა შტაბმა ქართული მხარის მიერ აგვისტოს მოვლენების დროს ჩამოგდებული ბომბდამშენის ორი პილოტის ცხედრების გადაცემის ფაქტი ოფიციალურად დაადასტურა.

“უახლოეს დღეებში გარდაცვლილი პილოტების ცხედრების იდენტიფიკაცია განხორციელდება და მხოლოდ ამის შემდეგ გაკეთდება ოფიციალური დასკვნა მათი ვინაობის შესახებ”, - განაცხადა გენშტაბის ხელმძღვანელის მოადგილემ ანატოლი ნოგოვიცინმა.

შეგახსენებთ, რომ რუსეთის შეიარაღებული ძალების გენერალური შტაბი ე.წ. სამხრეთ ოსეთში საომარი მოქმედებების დროს ბომბდამშენ “ტუ-22მ3”-ის ეკიპაჟის 3 წევრს ქართული მხარის დახმარებით ეძებდა.

წაკითხულია: 577 | თარიღი: 16.09.2008 | რეიტინგი: 0.0/0 | კომენტარი (0)

საქართველოს საგარეო საქმეთა სამინისტრო რუსეთის თავდაცვის სამინისტროს გაზეთ ”კრასნაია ზვეზდას” ვებ-გვერდიდან სტატიის ”ცხოვრება გრძელდება” ამოღებას ეხმიანება და აცხადებს, რომ ”სტატია ვებ-გვერდიდან იმ მიზნით ამოიღეს, რომ მასში გამოქვეყნებული რუსეთის არმიის კაპიტნის აღიარება, რომელიც ცხინვალის რეგიონში რუსეთის ჯარების 7 აგვისტოს შეყვანის ფაქტს ეხებოდა, რუსეთის ხელისუფლების ოფიციალურ ვერსიას ეწინააღმდეგებოდა”.

შეგახსენებთ, რომ აღნიშნულ სტატიაში გამოქვეყნებული იყო ინტერვიუ რუსეთის მიერ საქართველოს წინააღმდეგ განხორციელებული სამხედრო აგრესიის ერთ-ერთ ”გმირთან”, რუსეთის 58-ე არმიის 158-ე პოლკის ასეულის მეთაურთან, კაპიტან დენის სიდრისტთან, რომელმაც განაცხადა, რომ რუსეთის ჯარები საქართველოს ტერიტორიაზე 7 აგვისტოს, ანუ ცხინვალის რეგიონში საბრძოლო მოქმედებების დაწყებამდე იქნა შეყვანილ. 

საქართველოს საგარეო საქმეთა სამინისტროს განცხადებით, რუსეთის არმიის კაპიტნის ეს აღიარება რუსეთის ხელისუფლების ოფიციალურ ვერსიას ეწინააღმდეგება, რომლის თანახმად, “საქართველოს ტერიტორიაზე რუსეთის ჯარების შემოსვლა 8 აგვისტოს, ქართული შეიარაღებული ძალების მიერ ცხინვალზე განხორციელებული იერიშისა და დაბომბვის შემდეგ დაიწყო”. 

”საქართველოს ხელისუფლებამ თავიდანვე განაცხადა, რომ ცხინვალის რეგიონში საბრძოლო მოქმედებები სეპარატისტების მიერ ქართული სოფლების მასირებული დაბომბვით დაიწყო და საქართველოს ტერიტორიაზე რუსეთის სამხედრო ნაწილების შემოჭრის შემდეგ გაგრძელდა. მას შემდეგ, რაც საინფორმაციო საშუალებებმა აღნიშნულ ს ... წაიკითხეთ სრულად »

წაკითხულია: 626 | თარიღი: 16.09.2008 | რეიტინგი: 0.0/0 | კომენტარი (0)

ქართულმა მხარემ რუსულს .. სამხრეთ ... წაიკითხეთ სრულად »

წაკითხულია: 702 | თარიღი: 16.09.2008 | რეიტინგი: 0.0/0 | კომენტარი (0)

უკიდურესად დაიძაბა ვითარება გალის რაიონის სოფლებში, სადაც ... წაიკითხეთ სრულად »

წაკითხულია: 605 | თარიღი: 16.09.2008 | რეიტინგი: 0.0/0 | კომენტარი (0)

პარლამენტში 2008 წლის სახელმწიფო ბიუჯეტში შესატანი ცვლილებების პროექტის ... წაიკითხეთ სრულად »

წაკითხულია: 605 | თარიღი: 16.09.2008 | რეიტინგი: 0.0/0 | კომენტარი (0)

თბილისში გრძელდება ნატო-ს უმაღლესი დელეგაციის ვიზიტი. ორდღიანი სამუშაო ვიზიტით საქართველოს ალიანსის გენერალური მდივანი იაპ დე ჰოოპ სხეფერი და ალიანსის წევრი სახელმწიფოების მიერ ნატო-ში აკრედიტებული ელჩები ეწვევიან. გუშინ თბილისში ნაც-ის საბჭომ სხდომა გამართა.

სხდომის გახსნის წინ საქართველოს პრეზიდენტმა მიხეილ სააკაშვილმა და ნატო-ს გენერალურმა მდივანმა იააპ დე ჰოოპ სხეფერმა მისასალმებელი სიტყვა წარმოთქვეს.

საქართველოს პრეზიდენტმა მადლობა გადაუხადა ნატო-ს დელეგაციას საქართველოში სტუმრობისათვის და კიდევ ერთხელ დაგმო რუსეთის აგრესიული ქმედებები საქართველოს ტერიტორიაზე. სააკაშვილის განცხადებით, უკვე აღარავის ეჭვს იწვევს ის ფაქტი, თუ ვინ იყო ცხინვალში ომის დაწყების ინიციატორი. როგორც საქართველოს პრეზიდენტმა მისასალმებელ სიტყვაში აღნიშნა, საქართველოს ტერიტორიაზე შემოსული იყო 40 000-მდე რუსი ოკუპანტი, რომლებიც ქვეყნის 10 რეგიონში აწარმოებდნენ საომარ მოქმედებებს. რუსული აგრესიის შედეგად ოფიციალური მონაცემებით დაიღუპა 500 ადამიანი და საცხოვრებელი ადგილების დატოვება მოუხდა 200 000 -მდე პირს.

მიხეილ სააკაშვილის განცხადებით, ამ ეტაპზე საქართველოში დემოკრატიული პროცესების გასაძლიერებლად არაერთი რეფორმა ხორციელდება. როგორც სააკაშვილმა  აღნიშნა, მან უკვე მიმართა პარლამენტს ინიციატივით, განხორციელდეს რეფორმა სასამართლო სისტემაში.

საქართველოს პრეზიდენტმა მადლობა გადაუხადა ნატო-ს  აღმოჩენილი დახმარებისათვის და ხაზი გაუსვა იმ ფაქტს, რომ არა დასავლეთი, საქართველოს ... წაიკითხეთ სრულად »

წაკითხულია: 607 | თარიღი: 16.09.2008 | რეიტინგი: 0.0/0 | კომენტარი (0)

დამკვირვებელთა მისიის საქართველოში ერთი წლით განლაგება ევროკავშირს 31 მლნ ევრო დაუჯდება. ამის შესახებ საინფორმაციო სააგენტო ”რია ნოვოსტი” იტყობინება.

მისივე ინფორმაციით, მისიის შემადგენლობაში ევროკავშირის 20 ქვეყნის დელაგაცია შევა, თუმცა მის ძირითად შემადგენლობას საფრანგეთი, იტალია და გერმანია ჩამოაყალიბებენ.

მისიას სათავეში ევროკავშირის სპეციალური წარმომადგენელი, ფრანგი პიერ მორელი ჩაუდგება.

- ”დამკვირვებლები საქართველოში და ბუფერულ ზონებში 1 ოქტომბრიდან შეუდგებიან მუშაობას. რაც შეეხება დამკვირვებელთა რაოდენობას, ის ამ ეტაპზე 200-ს არ გადააჭარბებს”, - აცხადებს საფრანგეთის საგარეო საქმეთა მინისტრი ბერნარდ კუშნერი.

საქართველოში დამკვირვებელთა მისიის ამოცანა მედვედევი-სარკოზის გეგმის შესრულებაზე კონტროლი და სამოქალაქო წესრიგის დამყარებაში თანამშრომლობა იქნება.

მისიის შემადგენლობაში შევლენ პოლიციელები, სამხედრო პირები და სამართალდამცველი ექსპერტები.

მარტო საფრანგეთის მხრიდან მისიაში 70-მდე პოლიციელი მიიღებს მონაწილეობას. დიპლომატიური წყაროების ინფორმაციით, მისიის პერსონალის ნაწილი შეიარაღებული იქნება.

წაკითხულია: 588 | თარიღი: 16.09.2008 | რეიტინგი: 0.0/0 | კომენტარი (0)

ვერაფერს იტყვი, დიდებული პერსპექტივაა. არასაპარლამენტო ოპოზიცია ნინო ბურჯანაძის ირგვლივ ერთიანდება, საპარლამენტო - მიხეილ სააკაშვილის ორბიტაზე მოძრაობს. ამ ქვეყანაში პოლიტიკა თვალთმაქცობის ჩარჩოებიდან ვერ გამოვიდა.

ბურჯანაძის ფონდის ოფისში წამყვანი ოპოზიციური პარტიების ლიდერები შეიკრიბნენ და ათას რამეზე შეთანხმდნენ ერთის გარდა - უნდა გადადგეს, თუ არა საქართველოს პრეზიდენტი. პარლამენტის ყოფილი თავმჯდომარე კვლავინდებურად აცხადებს, რომ ხელისუფლების შეცვლის მოთხოვნის დაყენება-არდაყენების საკითხს მხოლოდ მას შემდეგ გადაწყვეტს, რაც აგვისტოს მოვლენების გამოსაძიებლად ჩამოსაყალიბებელი კომისიის მუშაობის შედეგებს გაეცნობა.

- ”ამ საკითხში ჩემი პოზიცია დამოკიდებული იქნება იმ დასკვნაზე, რომელსაც ეს კომისია მოამზადებს და რომელიც საზოგადოებისათვის აუცილებლად უნდა გახდეს ცნობილი”, - განაცხადა ნინო ბურჯანაძემ.

მან ამ კომისიის შექმნის აუცილებლობას კიდევ ერთხელ გაუსვა ხაზი და განაცხადა, რომ ”საზოგადოებაში ბევრი კითხვაა დაგროვებული, რომლისთვისაც პასუხის გაცემა აუცილებელია როგორც ოპოზიციისთვის, ისე ქართველი ხალხისთვის, მთელი საერთაშორისო საზოგადოებისთვის და თავად ხელისუფლებისთვისაც”.

მემარჯვენე დავით გამყრელიძესა და გაერთიანებული ოპოზიციის ლიდერი ლევან გაჩეჩილაძეს მტკიცედ სწამთ, რომ შექმნილი ვითარებიდან ერთადერთი გამოსავალი პრეზიდენტის დაუყოვნებლივი გადადგომაა; ოდნავ სხვა მოსაზრებისაა ასევე რესპუბლიკელი დავით უსუფაშვილი, რომელიც ვადამდელი საპარლამენტო არჩევნების ჩატარების მომხრეა.

ახალი მემარჯვენეების ლიდერი დავით გამყრელიძე ინიციატივით გამოდის, რომ ქვეყანაში არსებულ ყველა პრობლ ... წაიკითხეთ სრულად »

წაკითხულია: 572 | თარიღი: 16.09.2008 | რეიტინგი: 0.0/0 | კომენტარი (1)

Форма входа
Календарь новостей
«  სექტემბერი 2008  »
ორსამოთხხუთპარშაბკვი
1234567
891011121314
15161718192021
22232425262728
2930
Поиск
Друзья сайта
Copyright MyCorp © 2019
Website builder - uCoz