სეპარატისტები აღიარებენ, რომ ცხინვალში მყოფ მაროდიორებს ვერ უმკლავდებიან. ე.წ. სამხრეთ ოსეთის შს დე ფაქტო მინისტრის მიხეილ მინძაევის განცხადებით, "მიუხედავად იმისა, რომ ცხინვალსა და მიმდებარე სოფლებში საღამოს 9-დან დილის 6 საათამდე კომენდანტის საათია გამოცხადებული და მთელი ღამის განმავლობაში ყველა დასახლებულ პუნქტში სამხედროები პატრულირებენ, ქალაქში მძარცველების შეჩერება ვერ ხერხდება". მისივე მონაცემებით, ბოლო დღეებში მაროდიორობის ფაქტებთან დაკავშირებით სისხლის სამართლის 80-მდე საქმეა აღძრული.
