კახეთს ოფიციალური ვიზიტით, ლიტვის საგარეო საქმეთა მინისტრის მოადგილე ლაიმონას ტალატ კელპსა სტუმრობდა. ლაიმონას ტალატ კელპსა კახეთში ოსებით დასახლებულ სოფლებს ესტუმრა და მათ მდგომარეობას პირადად გაეცნო.

ის იმყოფებოდა გურჯაანის სოფელ ყიტაანში,  ლაგოდეხის სოფლ ფონასა და არეშფერანში .

ადგილობრივმა მცხოვრებლემა ლიტვის საგარეო საქმეთა მინისტრის მოადგილე  ლაიმონას ტალატ კელპსასთან საუბრისას აღნიშნეს, რომ ქართულ-ოსური კონფლიქტი აქ მცხოვრები ქართველებისა ოსების ურთიერთობებზე არ აისახება და, რომ ისინი დღემდე ერთმანეთთან მეგობრულად ცხოვრობენ.

“ჩამოვედი, რომ ვნახო როგორ ცხოვრობს ეს ორი ხალხი მუნიციპალიტეტის რეალობაში. ადამიანები თავად საუბრობენ იმის შესახებ, რომ კონფლიქტები აქ არ არის. მრავალი შერეული ოჯახი ცხოვრობს აქ თაობიდან თაობამდე. –ამბობს რადიო ჰერეთთან ლაიმონას ტალატ კელპსა

მან სოფლებში სკოლებიც მოინახულა და განაცხადა, რომ პირობები ყველა სტანდარტს შესააბამება “ ვნახე სკოლაც და მე გულწრფელად შემიძლია გითხრათ, რომ ბევრ ლიტვურ სოფელშიც ვერ ნახავთ ასეთ სკოლას. ყოველგვარი გადამეტების გარეშე მინდა გითხრათ, რომ ეს მართლაც დიდი და კარგი სკოლაა, პირობებიცაა შექმნილი სწავლისთვის. მთავარია საჭიროა იყოს მშვიდობა, ურთიერთთანხვედრა, და არ უნდა ავყვეთ იმ პროპაგანდას, რომელიც მიმართულია ეთნიკური კონფლიქტის გაღვივებისკენ. რათქმაუნდა არა აქვს მნიშვნელობა რომელ ეთნიკურ წარმომავლობას ეკუთვნი, და ამ მხრივ საქართველო ამტკიცებს, რომ აქ სხვადასხვა ხალხმა შეუძლია მშვიდობით იცხოვროს დაგანვითარდეს.”- განაცხადა რადიო ჰერეთთან დიპლომატმა