Главная » 2008»სექტემბერი»4 » გიორგი თარგამაძე: "დასავლეთმა საქართველოს ხელისუფლების მიერ ოპოზიციის მიმართ "ძლიერი ხელის" პოლიტიკის გატარება არ უნდა დაუშვას"
გიორგი თარგამაძე: "დასავლეთმა საქართველოს ხელისუფლების მიერ ოპოზიციის მიმართ "ძლიერი ხელის" პოლიტიკის გატარება არ უნდა დაუშვას"
16:20
საპარლამენტო უმცირესობის ლიდერის გიორგი თარგამაძის განცხადებით, დასავლეთის მცდელობამ, უფრო მყარი გახადოს საქართველო რუსული საფრთხის მიმართ, ქვეყანაში პლურალიზმის და დემოკრატიის განვითარების საკითხის მეორე პლანზე გადატანა არ უნდა მოახდინოს. როგორც თარგამაძემ დღეს პარლამენტში გამართულ სპეციალურ პრესკონფერენციაზე განაცხადა, "აშშ-მა და ევროკავშირმა არ უნდა დაუშვან ხელისუფლების მიერ ოპოზიციის მიმართ ე.წ. "ძლიერი ხელის" პოლიტიკის გატარება, რადგან ეს წარმოქმნის დაძაბულობას საზოგადოებაში და მნიშვნელოვნად შეასუსტებს ქვეყნის იმუნურ სისტემას". "დასავლეთმა უნდა შეუწყოს ხელი საქართველოში რუსული პოლიტიკური სისტემისგან პრინციპულად განსხვავევბული დემოკრატიული პოლიტიკური სივრცის ჩამოყალიბებას, მედიისა და სასამართლოს სისტემის რეალურ დამოუკიდებლობას" - განაცხადა თარგამაძემ.
