ჰააგის სასამართლომ საქართველოს მიერ რუსეთის წინააღმდეგ შეტანილი სარჩელის განხილვა რამდენიმე წუთის წინ დაიწყო.
როგორც ჰააგაში მყოფმა საქართველოს იუსტიციის მინისტრმა ნიკა გვარამიამ ჟურნალისტებს განუცხადა, სასამართლო განხილვა რამდენიმე დღეს ან კვირას გასტანს, რის შემდეგაც გადაწყვეტილებას მიიღებენ.
“ჩვენ წარვადგენთ ჩვენს არგუმენტებს, რუსული მხარე კი - თავისას”, - განაცხადა გვარამიამ.
ქართული მხარე იმედოვნებს, რომ სასამართლო საქართველოს სასარგებლო გადაწყვეტილებას გამოიტანს.
| 