”ინტერფაქსის” ცნობით, აფხაზეთის სანაპიროდან რუსეთის შავი ზღვის ფლოტის სარაკეტო კრეისერი ”მოსკოვი” სევასტოპოლში დაბრუნდა.
შეგახსენებთ, რომ კრეისერი ”მოსკოვი” და რუსული ფლოტის სხვა ხომალდები აფხაზეთში შავი ზღვის სანაპიროზე სამხრეთ ოსეთში სამხედრო ოკუპაცის დაწყებისთანავე შევიდნენ.
რუსული მხარის ვერსიით, ისინი აფხაზეთში რუსული ე.წ. სამშვიდობო ძალების დასახმარებლად და საქართველოში იარაღის შემოტანის დაბლოკვის მიზნით შემოვიდნენ.
რუსული ხომალდები სევასტოპოლის პორტიდან, უკრაინული ხელისუფლების პროტესტის მიუხედავად, უკანონოდ გამოდიოდნენ. როგორც ცნობილია, უკრაინა რუსულ ფლოტს დაემუქრა, რომ სევასტოპოლიდან აფხაზური სეპარატისტების დასახმარებლად გასულ ხომალდებს უკან არ შეუშვებდა.
პრეზიდენტმა იუშენკომ კი, რუსული ფლოტის ხომალდების გადაადგილების შეზღუდვების შესახებ ბრძანებაც გასცა.
|