Главная » 2008 » სექტემბერი » 12 » ნინო ბურჯანაძემ რუსეთის აგრესიის შემდეგ ქვეყანაში შექმნილ მდგომარეობაზე თავისი პოზიცია დღეს პირველად დააფიქსირა
ნინო ბურჯანაძემ რუსეთის აგრესიის შემდეგ ქვეყანაში შექმნილ მდგომარეობაზე თავისი პოზიცია დღეს პირველად დააფიქსირა
19:02
დემოკრატიული განვიტარების ფონდის პრეზიდენტმა, ნინო ბურჯანაძემ, დღეს გამართულ პრესკომფერენციაზე განაცხადა, რომ რუსეთის აგრესიის შემდეგ, პირველად მიეცა საშუალება ქართველ ჟურნალისტებთან ქვეყანაში შექმნილ მოვლენებზე თავისი პოზიცია დაეფიქსირებინა. მისი თქმით, დასავლეთის მხრიდან საქართველოს ძალიან დიდი მხარდაჭერა აქვს. “მე ვაწარმოებდი მოლაპარაკებებს დასავლეთის სხვადასხვა პოლიტიკურ ლიდერებთან, საქართველო დასავლეთისთვის არის ძალიან მნიშვნელოვანი ქვეყანა. მიუხედავად იმისა, თუ რომელი პარტია ან ლიდერი მოვა აშშ-ის სათავეში, ყველას აქვს ცალსახად ჩამოყალიბებული აზრი იმასთან დაკავშირებით, რომ საქართველოს სუვერენიტეტი და ტერიტორიული მთლლიანობა უნდა იქნას დაცული,” _ აღნიშნა ბურჯანაძემ. მისივე თქმით, საქართველო ამ პერიოდის განმავლობაში დასავლეთის მხრიდან მიიღებს დიდ მატერიალურ მხარდაჭერასაც. “ამ დახმარებას საქართველოს დაზარალებული მოსახლეობა იმსახურებს, მნიშვნელოვანია, რომ ეს დახმარება სწორად მივიდეს იმ ადამიანებამდე, ვისთვისაც არის გამიზნული,” _ განაცხადა “დემოკრატიული განვიტარების ფონდის” პრეზიდენტმა.
