| რუსეთის საგარეო საქმეთა მინისტრმა სერგეი ლავროვმა და გაეროს გენერალურმა მდივანმა პან გი მუნმა საქართველოსა და აფხაზეთში გაეროს ჯარების ყოფნის საკითხი სატელეფონო საუბრისას განიხილეს.
რუსეთის საგარეო უწყების ცნობით, მათ ერთგვარ შეთანხმებას მიაღწიეს იმასთან დაკავშირებით, რომ აფხაზეთში სტაბილურობისა და უსაფრთხოების მიზნით, საქართველოსა და აფხაზეთში გაეროს მისიის ვადის გაგრძელება საჭიროა.
რუსულმა მხარემ, კონფლიქტის ზონაში სიტუაციის შეცვლის გამო, გაეროს დამკვირვებლების მანდატში დაზუსტებების შეტანის საკითხი წამოაყენა.
ლავროვმა, ასევე, გაეროს საქმიანობასთან დაკავშირებით სოხუმის პოზიციის გათვალისწინების საჭიროებაც დაადასტურა.
|
