დღეს მოსკოვში ევროპის საბჭოს საპარლამენტო ასამბლეის სპეციალური დელეგაციის წევრებისა და რუსეთის ფედერაციის საბჭოს სპიკერის სერგეი მირონოვის შეხვედრა გაიმართება.
რუსული საინფორმაციო საშუალებების ცნობით, დელეგაციის წევრები ხვალ რუსეთის სახელმწიფო სათათბიროს თავმჯდომარესთან ბორის გრიზლოვთან შეხვდერას გეგმავენ.
შეგახსენებთ, რომ ევროპის საბჭოს საპარლამენტო ასამბლეის დელეგაცია მოსკოვს გუშინ ეწვია. დელეგაცია ე.წ. სამხრეთ ოსეთის აგვისტოს მოვლენების შემდეგ რუსეთ-საქართველოს ურთიერთობებს შეისწავლის.
დელეგაციის შემადგენლობაში, რომელსაც ბელგიის წარმომადგენელი ლიუკ ვან დე ბრანდი ხელმძღვანელობს, ევროპის საბჭოს საპარლამენტო ასამბლეის 9 წარმომადგენელი შედის.
