მიმდინარე თვის საპარლამენტო სხდომების არასაპატიო მიზეზით გაცდენის გამო ხელფასის დაქვითვით 12 დეპუტატი დაისაჯა.
დეპუტატატები, რომელთაც ხელფასის 10% ჩამოეჭრებათ, კახაბერ ანჯაფარიძე, მურთაზ ზოდელავა, ასლან თავდგირიძე, რამაზ თედორაძე, ფრიდონ თოდუა, როლანდ კემულარია, პაატა ლეჟავა, გურამ მისაბიშვილი, კობა ნაყოფია, რატი სამყურაშვილი, კარლო კოპალიანი და ნიკა ლალიაშვილი არიან.
არასაპატიო მიზეზით გამცდენ დეპუტატთა გვარები დღევანდელ პლენარულ სხდომაზე პარლამენტის თავმჯდომარემ დავით ბაქრაძემ გაახმაურა.
”ჩემთვის და დეპუტატებისთვის ნამდვილად არასასიამოვნო პროცესია, მაგრამ ამ ვალდებულებას რეგლამენტი მანიჭებს“ – განაცხადა ბაქრაძემ.
|
