საქართველო და უკრაინა თავისუფალი ქვეყნები არიან და მათ შეუძლიათ გახდნენ ნატოს წევრები. ამის შესახებ ამერიკის შეერთებული შტატების პრეზიდენტობის კანდიდატმა, ბარაკ ობამამ მეორე კანდიდატთან, ჯონ მაკკეინთან დებატებისას განაცხადა.
მისი თქმით, ამერიკამ რუსეთის მიმართ მიდგომა უნდა გააანალიზოს, რადგან რუსეთი მსოფლიო სტაბილურობისთვის დიდ საფრთხეს წარნმოადგენს.
“რუსეთი მსოფლიო სტაბილურობისთვის დიდ საფრთხეს წარნმოადგენს. მისი ქმედებები საქართველოში მიუღებელი და უსაფუძვლოა. რუსებმა უნდა დატოვონ სამხრეთ ოსეთისა და აფხაზეთის ტერიტორია. მნიშვნელოვანია, რომ ჩვენ გვქონდეს ერთიანი ალიანსი და ავუხსნათ რუსეთს, რომ არ შეიძლება იყო 21-ე საუკუნის ზესახელმწოფო და მოქმედებდე როგორც დიქტატი. ამერიკამ ახალ დემოკრატიებს უნდა დაუმტკიცოს, რომ ჩვენ ვიქნებით სლოდარულები და მათ მხარს ბოლომდე დავუჭერთ, რადგან ისინი ნატოს წევრები არიან, ხოლო ისეთი ქვეყნები, როგორიც საქართველო და უკრაინაა, ჩვენ ბოლომდე უნდა ვიყოთ იმ პოზიციაზე რომ ისინი თავისუფალი ქვეყნები არიან და შეუძლიათ გახდნენ ალიანსის წევრები. თუ ისინი მოთხოვნებს აკმაყოფილებენ, მათ უნდა მიენიჭოთ სამოქმედო გეგმა”, - განაცხადა ობამამ.
|