საპარლამენტო ასამბლეის  ბიურომ კი გადაწყვეტილება უკვე მიიღო. სტრასბურგში რუსეთს გამოსასწორებელი ვადა მისცეს. რუსეთს დააკისრეს მოვალეობა, რომ 1 იანვრამდე საკუთარი პოლიტიკა უნდა შეცვალოს.

შესაძლოა, იმსჯელონ, რუსეთისათვის ევროსაბჭოში ერთი წლით მუშაობის შეჩერების შესახებაც.

უფრო დამამძიმელი სასეჯელი კი განხილვის პროცესშია. 22  დეპუტატი  გამოვიდა ინიციატივით,რომ საქართველოში განხორციელებული მოვლენების გამო რუსეთი ევროსაბჭოდან გაირიცხოს.

 კიდევ ერთი დებატები საქართველო-რუსეთის შესახებ ხუთშაბათს გაიმართება. სტრასბურგში უკვე ჩავიდა ქართული დელეგაცია, რომელსაც გიორგი გაბაშვილი ხელმძღვანელობს. შეხვედრებს მართავს საქართველოს საგარეო საქმეთა მინისტრის მოადგილო გიგა ბოკერია. ქართული დელაგაცია უკვე შეხვდა ევროსაბჭოს თავმჯდოარეს, რომელმაც აღნიშნა, რომ ევროსაბჭო  პატივს სცემს საქართველოს ტერიტორიულ მთლიანობას.

ევროსაბჭოს სესია გუშინ გაიხსნა,სადაც რუსეთ-საქართველოს კონფლიქტზე მიდის მსჯელობა.  აღნიშნული ტერმინის გამო  რუსეთი პროტესტს გამოთქვამს . რუსული მხარე აცხადებს, რომ საქართველო თავს დაესხა ცხინვალს და იგი უნდა გამოცხადდეს აგრესორად.

სტრასბურგში გამართული სესიების პარალელურად აქცია მიმდინარეობდა. ევროსაბჭოს ოფისიის წინ ეთნიკურად ოსმა მოსახლეობამ ანტიქართული მიტინგი გამართა. ვრცელდება ინფორმაცია, რომ აქციას ორგანიზებას რუსები უწევდნენ. მომიტინგეები მოითხოვდნენ, რომ ევროსაბჭომ აგრესორად საქართველო ცნოს.

სესიაზე აზრთა სხვადასხვაობა დაფიქსირდა. რუსეთის ფედერაციას საკუთარი მომხრეები ჰყავს.